VOV4.K’ho - Mpồl đơng lam ling klàng kơnhoàl Dak Rlấp, càr Dak Nông uă nam do neh lơh ngan lơh geh cồng nha broă lam sồr làng bol, dong kờl làng bol kòn cau sơlèt kal ke tàm rài kis.

Là 1 tàm ală cau neh geh dơ\ tiă gan nhàr dà lơgar kờ` dô tus lơgar Campuchia, ồng Điểu Lố, kis tàm [òn Bù Dấp yal, tàm nam 2005 tài dờn jơnau bơh ờ uă cau bơyô tàm [òn bơchồt mờ kơ\p kờ` geh lơh pas mhar tu\ tus hờ lơgar bơdìh, ồng neh tiă gan nhàr dà lơgar ờ di mờ adăt boh lam tus lơgar Campuchia.

Mơya ală ngai, nhai glar bòl tàm lơgar Campuchia neh lơh ồng g^t tơmàl tìs să tòm mờ jòi gùng rê mờ [òn lơgar. Tu\ neh rê, geh broă sền gròi bơh gơnoar atbồ [òn lơgar, kuơ màng là ală cau ling tàm mpồl đơng lam ling klàng kơnhoàl Dak Rlấp tus hờ hìu kờ` lam sồr, bơh tu\ hơ\, dong kờl ồng Điểu Lố g^t broă lơh tìs ồng dê, lơh ngan tơriang tơriồng tàm broă lơh sa, lam sồr oh mi [òn lơgar ba` dờn jơnau bơh cau ờ niam bơchồt:

-Oh mi lùp a` là tu\ tus hờ đah ne nđan lah ờ tơnguh bơtàu, a` yal oh mi in, ală he ba` dờn, ba` iăt mpồl cau pơrlơ\ dră, ờ geh cau lơi pà gời he in ờ. Bơh nam 2005 tus tu\ do, geh gơnoar atbồ [òn lơgar dong kờl, pah nam 1 broă lơh den làng bol bol a` neh ờ dờn ờ iăt jơnau bơh cau ờ niam bơchồt tai.

Đại uý Vũ Đình Hữu, dong broă Chính trị - Mpồl đơng lam ling klàng kơnhoàl Dak Rlấp pà g^t, ală ngai sơnrờp tìp mờ làng bol tàm [òn là ală kal ke dờng màng ngan gơwèt mờ ală oh mi cau ling dê. Kal ke tòm là broă boh bơr, bal mờ broă ờ khin bơh làng bol tu\ go\ cau krơi.

Mơya mờ broă lơh đềt mềr bơh ală kuang bàng, cau ling, rơhời làng bol ndrờm sền cau ling bè cau pròc mhàm tàm hìu nhă tòm. Kờ` dong kờl làng bol tơnguh rài kis, tàm hơ\ uă ngan là ală cau neh tìs tiă gan nhàr dà lơgar, ală kuang bàng, cau ling neh tus ơm bal, sa bal mờ làng bol, lơh broă bal mờ làng bol kờ` g^t wă rơlao tai:

-Tàm tơngai pa do, mpồl lam sồr làng bol sùm tus tàm [òn kờ` g^t ală bơta bè lơngăp lơngai chính trị bal mờ rài kis pah ngai kờ` bơh tu\ hơ\ pơlam Đảng uỷ, mpồl đơng lam ling klàng ai geh ală gùng dà broă lam sồr ală gùng dà broă lơh bơh Đảng, ală broă toh glài bal mờ broă dong kờl gơwèt mờ ală cau neh geh tu\ lơh tìs rê wơl, geh jơnau pin dờn, toh glài, dong kờl bơh cấp uỷ, gơnoar atbồ [òn lơgar đơs bal mờ mpồl ling tàm kơnhoàl đơs is.

{òn Bu Dấp geh rơlao 150 hìu, rài kis bơh làng bol rơhời geh tơnguh mờ rơhời geh sơlèt mờ kal ke. Ồng Y Đời, Bí thư Chi bộ [òn Bu Dấp pà g^t, broă tơnguh bơtàu [òn dê geh bè ngai do kơnờm geh broă dong kờl dờng màng ngan bơh ală cau ling lơh broă tàm mpồl đơng lam ling klàng kơnhoàl Dak Rlấp dê.

Kơnờm mờ cau ling den tàng tu\ do làng bol neh g^t lơh sre jăt broă lơh pa, broă lơh sa neh rơhời tơnguh bơtàu, rài kis geh tơnguh uă, den tàng oh kòn geh lòt bơsram tơl. Kuơ màng, broă dờn jơnau bơh cau ờ niam bơchồt, tiă gan nhàr dà lơgar ờ di mờ adăt boh lam neh geh tơn jơh, ală ơruh pơnu tàm [òn neh g^t den tàng tus bal tàm broă lơh sa, bơ\t bơtàu rài kis hìu nhă chài rơgơi, pơgồp bal tàm broă ai broă lơh sa, bơta chài rơgơi mpồl bơtiàn [òn sơlơ ngai sơlơ tơnguh bơtàu:

-Gơnoar atbồ [òn gam ai uă ngan bơta niam ală cau do in geh tơnguh bơtàu tàm rài kis kờ` tơnguh bơtàu lơh sa, 7 nă cau neh geh tu\ tìs tu\ do neh wă gùng dà broă lơh bơh dà lơgar dê, lơh sa hìu nhă tơnguh bơtàu. Tàm nùs nhơm ală cau do ờ geh jơnau kơlôi sơnơng lơi ndai tai, ài ală cau do neh geh dơ\ lơh tìs mờ neh g^t glar bòkl bè lơi bloh.

Trung tá Y Ngoan Mlô, Chính trị viên Mpồl đơng lam ling klàng kơnhoàl Dak Rlấp pà g^t, kờ` lơh broă lam sồr làng bol tàm [òn Bu Dấp geh cồng nha, Mpồl đơng lam ling klàng kơnhoàl Dak Rlấp neh crơng gơs mpồl lơh broă lam sồr làng bol geh 5 nă kuang bàng mờ tàm mpồl do sùm geh 1 nă là cau kòn cau tàm do.

Bơh tu\ hơ\, bơyai bơ\t bơtàu ală rơndăp broă kờ` lơh niam broă lam sồr làng bol jăt mờ jơnau bơto bơh Bác Hồ dê, hơ\ là “Lam sồr làng bol ờ chài den broă lơi kung ờ geh cồng nha, lam sồr làng bol chài den broă lơi kung geh cồng nha”, mpồl ling sùm bơyai lơh ală broă tìp bal đơs crih tamya, pà phan di tàm satềp, ală ngai chờ dờng màng bơh Đảng, Dà lơgar dê. Bal mờ hơ\, mpồl ling lơh jăt uă broă lơh bè: pà kơnrồ ròng ai hìu rơ[ah in, pà phan lơh broă ia làng bol in.

-Do là [òn kal ke, bu\ lah rềp mờ thị trấn, mơya rài kis làng bol tàm broă bơ\t bơtàu lơh sa mpồl bơtiàn ờ hềt niam, pah nam bol a` ndrờm geh broă lơh, lơh jăt broă bơ\t bơtàu [òn lơgar pa, tơn jơh jơgloh tơmù rơ[ah, pà sơntìl phan ròng, phan tam kờ` ală hìu rơ[ah, kal ke, hìu nhă geh sră dong kờl bơh dà lơgar ring niam rài kis, pơgồp bal tàm broă lơh niam broă sền gàr bơta lơngăp lơngai chính trị, ờ do ờ dă mpồl bơtiàn tàm do.

Cau mblàng Ndong Brawl