VOV4.K’ho - Tàm Hà Nội, Bộ Giáo dục mờ Đào tạo neh bơyai lơh dơ\ pơrjum đơng lam pơrlòng jơh bơsram cấp 3 dà lơgar nam 2018 pờ ơnàng, sền wơl dơ\ pơrlòng nam 2018 mờ ai tơl^k ală gùng dà broă lơh kờ` lơh gơs dơ\ pơrlòng nam 2019.

Tàm pơrjum, mờ nùs nhơm song dơ pă bal, nền nòn, ală kuang bàng tus pơrjum neh đơs, bơta ờ niam, bơta tìs gơbàn ờ uă càr tàm pơrlòng lài do là ờ uă, mơya kal ke ngan, lơh gơbàn tus mờ nùs nhơm pin dờn tàm mpồl bơtiàn.

Ală kuang bàng tus pơrjum ring bal mờ broă bơsong nền nòn bơh Bộ Giáo dục mờ Đào tạo dê, di cau, di broă; mờ ring bal geh bơyai lơh ring niam dơ\ pơrlòng jơh bơsram cấp 3 dà lơgar tus jơh nam 2020, mơya pal lơh niam wơl kờ` lơh bè lơi dơ\ pơrlòng geh bơyai lơh sơlơ ngai sơlơ [uơn, niam rơlao, nùs nhơm pin dờn uă rơlao, tàm hơ\ bơta tòm là sền wơl jơh ală bơta bơyai lơh pơrlòng, kơrnoăt pơrlòng, ai tơl^k loh kơnòl bơh ală cau tus bal mờ dơ\ pơrlòng; lơh niam wơl, lơh wơl ală broă bè kỹ thuật tàm broă bơyai lơh pơrlòng, sơndră mờ ală tìs tàm broă ai khà pơrlòng kờ` tơmù ờ uă ngan bơta pơrlồm, bơta ờ niam…

Cau mblàng Ndong Brawl