VOV4.K’ho - Tàm thị xã Gia Nghĩa, càr Dak Nông, Mpồl đơng lam Tây Nguyên bơyai lơh pơrjum tơn jơh broă lơh nam 2017.

                       Ồng Tô Lâm kuang atbồ mpồl đơng lam Tây Nguyên geh jơnau đơs tàm pơrjum

Jơnau yal tàm pơrjum pà go\, lơh sa mpồl bơtiàn tàm Tây Nguyên nam do pơn jăt tai geh ală cồng nha niam. Kờp jơh khà priă phan geh lơh tàm Tây Nguyên geh mờr 165 rơbô 500 tơmàn priă, gơguh 8%, priă lơh geh bơh tơl nă cau 41 tơlăk 600 rơbô, gơguh 5% jăt mờ nam lài.

                                                    Ală kuang bàng cri bơyai tàm pơrjum

Mơya, khà gơguh lơh sa ờ hềt mùl màl kơl jăp, bơta niam broă lơh sa ờ hềt uă, ờ ring niam. Broă atbồ, sền gàr brê gam uă kal ke, broă tìs mờ adăt sền gàr mờ tơnguh bơtàu brê gam uă kal ke. Broă tam phà, sơgràm ù brê mờ yal yă yal khài gơrềng tus mờ ù tiah tàm làng bol kòn cau tàm ờ uă tiah gam gơbàn kal ke.

                                       Pơrjum tơn jơh broă lơh mpồl đơng lam Tây Nguyên nam 2017

Tàm pơrjum, Thượng tướng Tô Lâm, Bộ trưởng Bộ kuang àng, kuang atbồ mpồl đơng lam Tây Nguyên sồr tàm tơngai tus, ală bộ, gah lơh broă dà lơgar, ală càr pal pơn jăt tai lơh gơs mờ lơh geh cồng nha ală nghị quyết, chỉ thị du\t ndơl bơh Đảng bal mờ Dà lơgar bè broă tơnguh bơtàu lơh sa mpồl bơtiàn tàm Tây Nguyên; Pơn jăt tai ai geh ală cơ chế krơi is kờ` hòi jà geh ală bơta pràn tơrbo\ broă lơh gùng lòt tàm Tây Nguyên mờ ală tiah rềp bal.

Bơcri priă tơnguh bơtàu ală bơta phan lơh tòm pơgồp bal mờ lơh gơs mờ tăc phan geh lơh bè lơh sa suơn sre công nghệ cao, năng lượng lơh wơl, măy mo\k lơh gơs phan ngui sa, ròng phan uă, broă lơh drơng ơla nhơl chờ. Kuơ màng ngan, pal mhar bơsong geh broă bè ù tiah, atbồ mờ sền gàr brê, phan geh is tiah kis…

Cau cih mờ yal tơng^t Ndong Brawl