VOV4.K’ho- Ngai òr 7/3, Mpồl gròi sền bơh Ủy ban ală broă mpồl bơtiàn Quốc hội dê lơh broă mờ UBND càr Dăk Nông bè broă lơh jat gùng dà broă lơh, kơrnoat boh lam bè ờdo ờdă kloh niam lơh broă, tơngai bơh nam 2016- 2018 mờ cồng nha 10 nam lơh jat Nghị quyết 18 bơh Quốc hội dê bè lơh pràn lơh jat gùng dà broă lơh, kơrnoat boh lam mpồl bơtiàn lơh bal nàng tơnguh uă bơta niam drơng gàr pràn kơldang să jan làng bol in.

Tàm dơ\ lơh broă, Mpồl gròi sền đơs niam ngan  ală cồng nha càr Dăk Nông lơh geh tàm ală tu\ lơh jat ală gùng dà broă lơh bè ờdo ờdă kloh niam lơh broă mờ tơnguh uă bơta niam sền gròi, kham sơm kòp ai làng bol in.

Dăk Nông pal geh gùng dà broă lơh loh làng tàm tu\ lơh jat ală gùng dà broă lơh lơh sơnơm, ngan là sền dờng màng tơnguh uă cồng nha broă lơh mpồl bơtiàn lơh sơnơm bal jat gùng dà lơh sa kă bro bal, lơh bal; gơhòi gơ jà, sền dờng màng bơto bơtê, tơnguh uă bơta pràn jak lơh broă ai mpồl cau lơh sơnơm in.

Ală gah   gơrềng bal sơlơ mblàng yal, tơnguh uă jơnau gi\t wa\ ai cau lơh broă mờ cau tờm mpồl lơh sa kă bro in bè broă lơh ờdo ờdă kloh niam lơh broă, hòi jà mpồl lơh sa kă bro mu\t lơh bal.

Cau mblàng Lơ Mu K’Yến