VOV4.K’ho- Mpồl hòi jà làng bol Pôs đồng ling sền gàr tiah nhàr lơgar 743 (Pôs đồng Srepok gơ wèt  Gah đơng lam ling sền gàr tiah nhàr lơgar Dak Lak) geh 16 nă kuang bàng, cau ling, lơh jat kơnòl broă hòi jà làng bol tàm xã tiah nhàr lơgar Krông Na, kơnhòal Buôn Đôn, càr Dak Lak. Là mpồl ơm tơn tàm ù tiah do, rềp mềr mờ làng bol tàm tơngai do, bal mờ broă hòi jà làng bol sền gàr kơ\ kơl jap tiah nhàr lơgar den ală cau ling sền gàr tiah nhàr lơgar gam là ală cau mblàng yal jơnau mơ kung là anih kơl dìng kơ\ kơl jap dong làng bol tàm tiah nhàr lơgar in sơn dră mờ kòp Covid-19 geh cồng nha.

Tu\ Việt Nam geh cau kòp Covid-19 sơn rờp tàm tơngai lồi nhai 2/2020 tơn, tàm ală thôn, [òn tàm xã tiah nhàr lơgar Krông Na, kơnhòal Buôn Đôn, tàm ală àng drim gờ` kung bè trồ mho mang, jơnau ntas loa pờ tơlik jơnau đơs ntrờ` làm bă tiah bơh Mpồl hòi jà làng bol Pôs đồng ling sền gàr tiah nhàr lơgar 743 ( Gah đơng lam ling sền gàr tiah nhàr lơgar Dak Lak) sùm yal jơnau uă ngan tus mờ làng bol in g^t bơta gơlik geh kòp do dê.

Ală tơngume bè: Jơnau gơbàn kòp, broă lơh bơtờp kòp, ală tềl tơnggo\ sền g^t kòp bè ( bơsiă, duh să, kal ke tă nhơm) mờ ală broă lơh rcang sơn dră kòp; g^t ală cau bơtờp kòp pa tàm Việt Nam, tàm dunia, halà khà cau chơ\t tàm tơl lơgar ndrờm geh pờ sùm uă dơ\ nàng làng bol in g^t di tu\.

Pơgồp bal mờ gah lơh broă, mpồl cau lơh broă tàm ală anih kơryan kòp ntrờ`, dùl bă tiah tàm tiah nhàr lơgar

Thiếu tá Vũ Văn Tín – Kuang bàng Mpồl hòi jà làng bol Pôs đồng Ling sền gàr tiah nhàr lơgar 743 pà g^t: Nàng rơcang sơn dră kòp, mpồl neh lam lơh dùl dơ\ le\ ală broă lơh kơnòl broă tiah nhàr lơgar, pơgồp bal niam mờ gơnoar atbồ tàm ală tiah nàng g^t bơta tàm tiah nhàr lơgar, atbồ niam tàm ù tiah; bơyai lơh broă lơh mbàng yal nàng làng bol in tơnguh uă bơta g^t wă tàm broă rcang sơn dră kòp.

Tàm tiah do den geh 9 thôn, [òn mờ bol a` tam pà ală mpồl drơng broă 2 tus 3 thôn, [òn tàm dùl mpồl. Tơngume mblàng yal den sùm geh bol a` yal bè: ală cau bơtờp kòp pa tàm Việt Nam, ală cau bơh tiah ndai tàm tiah kòp rê tàm ù tiah do nàng làng bol in gơtùi g^t. Tiah lơi tơr gùm uă làng bol ơm kis den bol a` pờ loa ntrờ` mblàng yal jơnau jo\ rlau, nền nòn rlau nàng làng bol in g^t loh broă lơh rcang sơn dră kòp. Bơdìh mờ broă mblàng yal jơnau mờ pờ tam loa pờ tơlik jơnau đơs den mpồl gam pơgồp bal mờ gah sơnah lơh broă, mpồl cau tus tàm ală hìu bơnhă làng bol dê nàng mblàng yal tơn làng bol in g^t wă broă rcang sơn dră kòp Covid-19.

Xã tiah nhàr lơgar Krông Na kơnhòal Buôn Đôn geh mờr 14 kơi sồ gùng nhàr lơgar rềp bal mờ càr Mundulkiri, lơgar Campuchia. Gùt xã geh 1 rơbô 600 hìu bơnhă bal mờ 5 rơbô 600 nă cau mờ 14 jơi bơtìan kòn cau ơm kis bal. Gơl gùng do geh uă gùng dềt, gùng pờ, làng bol 2 lơgar Việt Nam – Campuchia sùm lòt rê kă bro bal, còp cau pròc mhàm bal. Ngan là tàm do geh anih nhơl chờ Bản Đôn tiơng pơn rơ ngan, pah nam gơ hòi gơ jà uă năc lòt nhơl bơh tàm lơgar mờ bơdìh lơgar tus sền.

Dong kờl hìu bơnhă r[ah tàm tơngai kòp

Kra [òn Y Thâng Kđoh ơm tàm Bản Đôn pà g^t: là ù tiah nhàr lơgar mờ geh anih nhơl chờ tiơng pơn rơ mờ uă năc tus sền, bơta digơlan bơtờp kòp tàm tiah do dê sùm uă rlau mờ ală tiah ndai tàm càr dê. Den tàng bè hơ\, ală anih lơh broă geh gơnoar tàm hơ\ geh mpồl ling sền gàr tiah nhàr lơgar sùm lòt tàm [òn lơgar nàng mblàng yal jơnau ai làng bol mờ năc lòt nhơl in rcang sơn dră kòp geh cồng nha. Tơngkah làng bol ba` lòt rê tàm tiah nhàr lơgar nàng gàr niam ờ do ờ dă tàm tơngai kòp.

Ngai lài ờ hềt geh kòp làng bol tàm do kung sùm lòt rê kă bro mờ cau rềp mềr mờ lơgar đah ne dê mờ kòp gơlik geh den khi ơm mơ tơn, ờ lòt tiah lơi tai. Tơnơ\ hơ\ den geh Chỉ thị 16 bơh Chính phủ dê ai mờ geh mpồl ling mblàng yal jơnau den ală cau tờm anih nhơl chờ kung til mpồng sơl, làng bol lơh jat niam ngan. Làng bol g^t wă den là ờ tơr gùm gal cau, ờ `ô sa, bơyai lơh chờ halà `ô sa tam bau.

Ai bi Sao Nang Vinh, kòn cau Lào ơm tàm [òn Ea Rông B, xã Krông Na đơs: să tờm jơh nam bòl glar kal ke lơh broă tàm mìr, rcang phan sa tàm hìu nhă, ờ g^t wă uă jơnau mpồl bơtìan. Tu\ kơno jơnau yal Việt Nam geh kòp Covid-19, den kơlôi sơnơng ngan, mơya geh mpồl ling sền gàr tiah nhàr lơgar bal mờ gah lơh broă geh gơ noar, mpồl cau tus tàm hìu pà chèo glòm muh mat, dà rào tê lơh kloh khuẩn, sơn dră kòp den iang nùs ngan lơh jat.

 Mpồl ling sền gàr tiah nhàr lơgar lòt tus tơl nơm hìu nàng mblàng yal  làng bol in broă rcang sơn dră kòp Covid-19 bè: lơh jat broă ơm yah is mpồl bơtìan, làng bol ờ lik bơh tàm hìu; sùm geh dà rào tê tàm hìu jă brê, pơs wàs niam hìu đam, dilah lòt tàm gùng blơi phan ngui sa pal pơn chèo glòm muh mat. Tàm hìu geh cau gơbàn bơsiă, duh să, halà tềl tơngo\ kòp den pal jun tus hìu sơnơm xã nàng kham mờ yal mờ gơ noar atbồ tiah he dê  nàng geh broă lơh sền gròi mờ bơsong.

Jat Thượng úy Y Toàn Byă – Kuang atbồ mpồl hòi jà làng bol Pôs đồng ling sền gàr tiah nhàr lơgar 743 Gah đơng lam ling sền gàr tiah nhàr lơgar Dak Lak, lơh jat jơnau sồr bơh kơnă hơ đang dê, mpồl neh ai kuang bàng tus bal mờ gah lơh broă ală tiah lơh jat kơnòl broă tàm ală anih kơryan kòp ntrờ`, dùl bă tiah tàm ală thôn, [òn nàng rcang sơn dră kòp Covid – 19.

Bal mờ hơ\ là pơgồp bal mờ Đoàn ơruh pơnu, mpồl cau ùr, ling griăp [òn… lơh 5 mpồl mblàng yal ntrờ`, ngui loa pờ tơlik jơnau đơs mblàng yal bè Chỉ thị 16 bơh Chính phủ dê; jơnau pơlam bơh Bộ Y tế dê halà ală sră nggal đơng lam bơh càr Dak Lak dê, nàng kơnhòal Buôn Đôn in rcang sơn dră kòp. Bơdìh hơ\ tai, mpồl kung lơh pràn broă lòt sền, sền gròi nisơna tàm thôn, [òn, bơsong mhar ală broă gơlik geh tàm ală tiah làng bol ơm kis mờ tàm tiah nhàr lơgar.

Thượng úy Y Toàn Byă pà g^t: mpồl gam lơh jat geh cồng nha broă sền gàr tơl niam rài kis mpồl bơtìan ai tiah do in. Bơh khà tă pơgồp bơh ală cau tàm mpồl, Pôs đồng 743, priă jền Gah đơng lam ling sền gàr tiah nhàr lơgar Dak Lak dê ai, mpồl neh pà 1 rơbô nơm chèo sơnơm, 200 khàr dà rào tê lơh kloh khuẩn ai làng bol mờ năc lòt nhơl in; dong kờl ală hìu bơnhă r[ah, hìu bơnhă chính sách tàm xã Krông Na 145 bơnah phan kờp mờ priă mờr 60 tơlak đong tàm ală ngai lơh jat broă ơm yah is gùt mpồl bơtìan.

Mpồl lơh broă tàm tiah do bol a` dê pơgồp bal mờ gơ noar atbồ xã kờp sền ală năc lòt nhơl, cau bơh tiah ndai tus, ală cau lơh broă tàm tiah ngài rê tàm [òn nàng lơh jat niam broă sền gròi să jan, yal tiah lòt rê, dilah kờ` den lơh jat broă ơm yah is tàm thôn, [òn. Bol a` lơh ngan lam lơh broă dong kờl cau r[ah tàm tơngai kòp. Bulah ală ngai do, Việt Nam ờ geh cau bơtờp kòp Covid-19 pa lơi mơya mpồl kung gam pơn jat tai lơh broă mờ pơgồp bal mờ anih lơh broă geh gơ noar tơngguh broă lơh rcang sơn dră kòp geh cồng nha.

Mờ bơta rcang lài bơh kuang bàng, cau ling Mpồl hòi jà làng bol Pôs đồng ling sền gàr tiah nhàr lơgar 743 (Gah đơng lam ling sền gàr tiah nhàr lơgar Dak Lak) tàm broă lòt sền, mblàng yal jơnau, pơlam mơ dong kờl làng bol tàm tiah nhàr lơgar tàm tơngai do neh mờ gam pơgồp bơnah niam ngan bal mờ mpồl ling sền gàr tiah nhàr lơgar Dak Lak lơh niam gơ noar broă lam lài tàm broă rcang sơn dră kòp Covid-19 geh cồng nha tàm tiah nhàr lơgar đah  mat tơngai mut Tây Nguyên bơh Dà lơgar dê.

Cau cih Tuấn Long- Cau mblàng K’ Hạnh