VOV4.K’ho - Drim òr (07/5), tơnkah Phật đản 2020, phật lịch 2564 geh bơyai lơh tàm Hà Nội tàm bơta sơndră mờ kòp gơtòp, di jăt mờ Chỉ thị sồ 19 bơh Thủ tướng Chính phủ.

Tàm dơ\ pơrjum, mpồl jăt yàng phờk Việt Nam neh hòi jà gùt cau kơ đơng yàng, cau jăt yàng pơn jăt tai tam klăc, tus bal dùl nùs jai pha mờ kòp Covid-19. Ală cau ala măt tus pơrjum lơh jăt niam ală broă rơcang sơndră mờ kòp gơtòp.

Tàm pang sră chờ gờm tơnkah dờng Phật đản nam 2020 – Phật lịch 2564, Bí thư Đảng dà lơgar, Chủ tịch Uỷ ban Mặt trận dà lơgar Việt Nam ồng Trần Thanh Mẫn kơ\p kờ` mpồl jăt yàng phờk Việt Nam, cau kơ đơng yàng bal mờ ală cau jăt yàng pơn jăt tai tơnguh rơlao tai bơta pràn tam klăc bal gùt jơi bơtiàn kòn cau mờ nùs nhơm “kờ` bal mờ dà lơgar, ring lơngai làng bol” mờ nùs nhơm niam, dong kờl bơh gah yàng phờk kờ` bal mờ làng bol gùt lơgar sơrlèt mờ ală kal ke, jai pha mờ kòp Covid-19, tơnguh bơtàu lơh sa mpồl bơtiàn, gàr niam bơta lơngăp lơngai dà lơgar mờ tơnguh bơngă dà lơgar.

Cau mblàng Ndong Brawl