VOV4.K’ho- Ngai 01/6, tàm Hà Nội, kuang bàng đơng lam bồ Bộ Kuang àng neh pơrjum pờ tơlik tơn tàm internet mờ Kuang àng bàr pe tiah, anih nàng kờp sền, ring bal ală broă lơh rơcăng sơndră kòp Covid-19 tàm mpồl kuang àng làng bol.

Tềng đăp bơta kòp Covid-19 gơbàn kal ke tàm gùt lơgar, Bộ Kuang àng lam lơh sơrbac mhar ală broă lơh rơcăng sơndră kòp; lơh jăt jơnau sồr yal mờ cau lơh sơnơm mờ lơh jăt niam ală jơnau sồr ơm yah ngài tơrgùm bal, ơm yah ngài tàm hìu rơcăng sơndră kòp; sơlơ rơcăng sơndră tai kòp tàm ală anih kham sơm kòp kuang àng làng bol; lam lơh cĭt sơnơm vaccine rơcăng sơndră kòp Covid-19 tàm mpồl kuang àng làng bol....Kuang àng ală tiah, ală anih pơn jăt tai sơrbac mhar lơh jăt jơnau sồr jòi ală cau geh gơrềng tus ală cau bơtờp kòp pa tàm mpồl bơtiàn, sền gàr bơta lơngăp lơngai, rơndăp tăp sèng tàm ală anih, ală tiah ơm yah ngài, anih ơm yah ngài tơrgùm bal, Hìu sơnơm ing tàm tiah he dê.

Cau mblàng Lơ Mu K’Yến