VOV4.K’ho- Mpồl Kuang bàng ala mat Quốc hội Việt Nam bơh ồng Trần Thanh Mẫn Ủy viên Bộ Chính trị, Phó Chủ tịch Thường trực Quốc hội lam bồ mpồl, neh tus bal tàm dơ̆ sơnđờm mut pơrjum dơ̆ 207 bơh Mpồl duh broă đơng lam Mpồl tam klăc Nghị viện Dunia (IPU) mờ broă lơh pờ tơlik tơn tàm internet. Dơ̆ pơrjum dơ̆ 207 bơh Mpồl duh broă đơng lam IPU dê geh bơyai lơh jat broă lơh pờ tơlik tơn tàm internet tàm 2 ngai bơh ngai 24 tus ngai 25 nhai 5 nam 2021 nàng cribơyai mờ ai tơlik jơnau lơh nền bè ală broă geh gơrềng tus broă lơh bơh Mpồl lơh broă lơh bal ală nghị viện dờng ngan rlau jơh dunia.

 Phó Chủ tịch Thường trực Quốc hội ồng Trần Thanh Mẫn

Chủ tịch IPU ồng Duarte Pacheco đơng lam dơ̆ pơrjum, mờ bơta tus bal bơh ală Nghị sĩ gơwèt 135 mpồl Kuang bàng Nghị viện ală lơgar tàm mpồl. Pơrjum tơrgùm cribơyai tơngume tơrgùm bal là “Sơrlèt gan kòp dờng tŭ do mờ bơt bơtàu dùl ngai hìng niam bơnĕ rlau tai: Gơnoar broă bơh ală Nghị viện dê”.

Cau mblàng K’Hạnh