VOV4.K’ho- Drim òr 4/4, mpồl kuang bàng bơh Bộ Công thương dê bơh Bộ trưởng Bộ Công thương ồng Trần Tuấn Anh lam bồ neh lơh broă mờ Ủy ban Nhân dân càr Dăk Nông bè broă bơtàu tơnguh lơh sa mờ măy mok, kă bro mờ tơngai pơrgon lơh rơndăp broă lơh Bauxite tàm ù tiah càr dê.

Mpồl kuang bàng bơh Bộ Công thương dê lơh broă mờ UBND càr Dăk Nông 

Jat jơnau yal, tàm nam 2018, kờp khà lơh sa mờ măy mok bơh càr Dăk Nông dê gơguh 15% pơndrờm mờ nam 2017, priă geh bơh lơh sa mờ măy mok geh mờr 9 rbô tơmàn, tàm hơ\ bàr pe bơta phan geh khà uă bè Alumin geh 650 rbô tấn, ồs đèng lơh gơlik geh rlau 1 rbô 500 tơlak kwh, lơh gơlik kơphê geh 250 rbô tấn.

Jat ală sở, gah lơh broă bơh càr Dăk Nông dê đơs, càr geh tơl bơta nàng bơtàu tơnguh Dăk Nông gơ gơs là tiah tờm jòi bauxite- trà, lơh gơs lòs sơng dà bơh Việt Nam dê tơngai nam 2035, wèt tus nam 2050. Nàng lơh gơtùi ngan ngồn bơta pràn jak do, càr dan mờ Chính phủ bơcri priă lơh gơl gùng rơndeh ồs gơtùi ngui tàm uă broă mờ gùng rơndeh ntoăt răt nàng tàm tơrbo\ bal ală càr tàm Tây Nguyên mờ tiah kuơmàng tàm tiah đah jum dà lơgar; dan gùng dà lơh tơnguh mpồng nhàr lơgar Dăk Per gơ gơs mpồng nhàr lơgar dunia nàng kờ` ai tơl bơta nàng càr in lơh phan bơna tàm tiah nhàr lơgar.

Cau mblàng Lơ Mu K’Yến