VOV4.K’ho- Drim ngai 19/5, di tơngkah 131 nam ngai deh Chủ tịch Hồ Chí Minh, mpồl kuang bàng bơh Đoàn dà lơgar dê pơgồp bal mờ Tỉnh đoàn Trà Vinh bơyai lơh còp ies mờ chu ñàng tàm Hìu duh khoai Bác Hồ gơ wèt xã Long Đức, ƀòn dờng Trà Vinh. Trà Vinh geh rlau 47 rbô nă đoàn viên, ơruh pơnu, bơh 5 nam lam lơh jat Jơnau sồr sồ 5 bơh Bộ Chính trị dê bè “Tơnguh broă bơsram mờ lơh jat nùs nhơm, rài kis Hồ Chí Minh” neh lơh gơlik bơta tam gơl pràn kơldang ngan mờ jrô ơnàng bè jơnau git wă bơto bơtê, pơlam tàp, bơt bơtàu mpồl kuang bàng, đoàn viên.

Bal mờ hơ̆, Đoàn ală kấp tàm càr lam lài lơh jat ală broă lơh bơsram mờ lơh jat nùs nhơm, rài kis Hồ Chí Minh gơ jat bal mờ bơsong ală broă geh sền gròi uă, ală broă ờ suk bơh ƀòn lơgar, mpồl lơh broă dê, pơgồp bơnah lam lơh geh cồng nha kơnòl bơtàu tơnguh lơh sa- mpồl bơtiàn, bơt bơtàu Đảng, mpồl lơh broă chính trị ngai sơlơ sàng goh, pràn kơldang, kơ̆ kơljap. Di tŭ do, mpồl kuang bàng bơh Đoàn dà lơgar mờ Tỉnh đoàn Trà Vinh dê lam lơh tam 20 tờm chi tàm suơn tiah tềl kah yau Hìu duh khoai.

Cau mblàng K’Duẩn