VOV4.K’ho- Mpồl Kuang bàng bơh Hìu sơnơm K dà lơgar neh geh dơ\ lơh broă mờ Sở Y tế càr Dak Lak mờ Hìu sơnơm dờng tiah Tây Nguyên bè broă lơh rơcang sơndră kòp ung thư.

Tàm dơ\ lơh broă, kuang đơng lam bồ UBND càr Dak Lak kơ\p kờ` 2 hìu sơnơm geh lơh broă bal ai tơlik ală broă lơh lơh broă ngan ngồn, broă rơndăp lơh jo\ jòng tàm tơngai tus nàng tơnguh uă bơta niam rơcang sơndră kòp ung thư tàm ù tiah càr dê.

Cribơyai tàm dơ\ lơh broă, Mpồl kuang bàng đơs ngan là tàm tơngai tus, Hìu sơnơm K geh dong kờl bơto pơlam bè sơm kòp ung thư jat jơnau kờ` bơh Hìu sơnơm dờng tiah Tây Nguyên dê; tu\ lơi kung rơcang yal tơngi\t, dong kờl hìu sơnơm tàm tơrbo\ bal mờ ală broă lơh rơcang sơndră kòp ung thư.

Bal mờ hơ\, Mpồl kuang bàng sồr UBND càr Dak Lak pal sền swì, dong kờl priă tă bơcri blơi măy xạ trị nàng Hìu sơnơm lơh broă geh cồng nha rlau tàm broă lơh sơm kòp ai cau kòp in tài bơh do là dùl tàm ală broă lơh kuơmàng tàm broă sơm kòp ung thư.

Cau mblàng Lơ Mu K’Yến