VOV4.K’ho - Mho òr (05/07), Mpồl kuang bàng lơh broă bơh Bộ Y tế geh Thứ trưởng ồng Đỗ Xuân Tuyên lam bồ neh geh dơ̆ tus sền broă sơndră mờ kòp Covid-19 tàm càr Phú Yên.

Mpồl kuang bàng lơh broă bơh Bộ Y tế neh sền broă sơndră mờ kòp Covid-19 tàm tiah tam cah is tơrgùm bal sơnah ƀòn Phú Đông, ƀòn dờng Tuy Hoà; sền broă ai phan sơm kòp cau gơtìp kòp Covid-19 tàm hìu sơnơm lơh ing thị xã Đông Hoà; Sền broă wàng se, tam cah is tàm sơnah ƀòn 1, ƀòn dờng Tuy Hoà. Bơh broă sền, Thứ trưởng ồng Đỗ Xuân Tuyên đơs càr Phú Yên neh lơh jăt tơl ală kơrnoăt geh ai bè sơndră mờ kòp Covid-19.

Thứ trưởng Bộ Y tế ồng Đỗ Xuân Tuyên sồr tơnkah, càr Phú Yên mờ ală tiah hờ đơm bañ ờ sền gròi, sền ờ sơ̆p tềng đăp mờ bơta gơtìp bơh kòp gơtờp tŭ do; pal rơcang sơndră mờ kòp jăt broă lơh "4 tơn tàm tiah hơ̆”.

Cau mblàng Ndong Brawl