VOV4.K’ho - Mpồl Kuang bàng Quốc hội 3 càr: Daklak, Bến Tre, Thanh Hoá neh geh dơ\ tìp mat mờr 100 nă cau te\ khà, ala mat làng bol lòt bơt bơtàu lơh sa pa bơh 2 càr: Bến Tre mờ Thanh Hoá dê tu\ do gam ơm kis tàm xã Ia Lốp, kơnhoàl Ea Súp, càr Daklak. Ala mat mpồl kuang bàng Quốc hội ală càr, kuang đơng lam mpồl kuang bàng Quốc hội càr Thanh Hoá neh hơ lơh loh tơn ờ uă tơngume mờ cau te\ khà sền gròi, geh jơnau đơs; mơkung sồr ală sở, gah, mpồl lơh broă, anih lơh broă geh gơ rềng kờp sền, sền sơwì wơl ală bơta nàng hơ, bơsong cau te\ khà in. Di tu\ do, mpồl kuang bàng Quốc hội ală càr: Thanh Hoá, Bến Tre neh pơgồp bal mờ ală mpồl lơh sa kă bro, ală càr jàu rlau 2 tơmàn priă pà gơnoar atbồ mờ làng bol xã Ia Lốp in nàng bơt bơtàu phan bơna, bơtàu tơnguh ròng phan.