VOV4.K’ho- Pơn jăt tai ai jơnau đơs bè ală tơngume tàm pơrjum dơ̆ 2, Quốc hội khoă XV, ngai 25/10, cribơyai tàm mpồl, ai jơnau đơs bè rơndăp lơh Adat Kă bro Bảo hiểm (tam gơl), Mpồl kuang bàng Quốc hội càr Dăk Lăk ring bal uă broă tam gơl Adat Kă bro Bảo hiểm mờ Jơnau yal lùp sền wơl bơh Ủy ban Lơh sa dê.

Mơkung bơtơl bàr pe jơnau đơs bè tơngume do. Mpồl Kuang bàng Quốc hội càr Dăk Lăk đơs là, broă tam gơl Adat Kă bro Bảo hiểm là kờñ ngan nàng sền gàr gơnoar mờ bơta kuơ dipal mờ kơrnoăt boh lam bơh mpồl cau, cau dùl nă să is dê tus bal blơi bảo hiểm; lơh pràn broă lơh kă bro bảo hiểm; pơgồp bơnah tơnguh mờ gàr sùm bơta bơtàu tơnguh kơl kơ̆ jăl bơh rài lơh sa- mpồl bơtiàn dê, kơ̆ kơl jăp rài kis làng bol in; tơnguh cồng nha ătbồ dà lơgar gơwèt mờ broă lơh kă bro bảo hiểm. Mơya, uă gùng dà broă lơh dong kờl kă bro bảo hiểm pal geh cih nền cê mờ loh làng rlau.

Cau mblàng Lơ Mu K’Yến