VOV4.K’ho- Ngai òr 14/5, Mpồl Kuang bàng Quốc hội càr Dăk Lăk neh geh dơ\ lơh broă mờ ală sở, ban, gah lơh broă càr nàng rcăng ală tơngume tus bal tàm Pơrjum dơ\ 7, Quốc hội khoá 14 mờr tus.

Mpồl Kuang bàng Quốc hội càr Dăk Lăk lơh broă mờ ală sở, gah lơh broă càr dê  

Tàm dơ\ lơh broă, ala mat kuang đơng lam bồ ală sở, ban, gah lơh broă càr neh yal mờ dan mờ dà lơgar tă bơsong bàr pe bơta kal ke. Tàm hơ\, dan mờ Chính phủ mhar geh Nghị định bè ngui jơtài dà lơgar nàng tơm priă ai ală cau bơcri priă lơh rơndăp broă lơh BT jat jơnau cih bơh adat atbồ jơtài dà lơgar dê; dan mờ Bộ Công thương sền swì tam gơl bàr pe tơngume tàm rơndăp cih Kơrnoat bè gùng dà hòi jà bơtàu tơnguh đèng mat tơngai, tam gơl gùng dà tơn jơh lơh broă lơh gơlik găc ù kơnềt ờ buh; tơnguh khà dong kờl ai ală thôn, [òn kal ke uă ir; dong kờl lơh hìu ơm ai hìu r[ah ală bơta in…

Mpồl Kuang bàng Quốc hội càr Dăk Lăk neh iat kơno jơh ală jơnau đơs tă pơgồp, jơnau dan, jơnau sồr bơh ală kuang bàng ala mat dê, tơrgùm kờp jơh, tam cah nàng yal mờ Quốc hội in mờ ală Bộ, gah lơh broă dà lơgar in sền swì.

Cau mblàng Lơ Mu K’Yến