VOV4.K’ho- Tus bal pơrjum dơ̆ 2, Quốc hội khoă XV pờ tơlik tơn tàm internet, tơnơ̆ tŭ iăt jơnau yal bè Cồng nha lơh jăt broă rơndăp lơh bơtàu tơnguh lơh sa- mpồl bơtiàn nam 2021; rơcăng broă rơndăp lơh bơtàu tơnguh lơh sa- mpồl bơtiàn nam 2022.

Jơnau yal bè broă lơh rơcăng sơndră kòp Covid-19 mờ broă lơh jăt Kơrnoăt sồ 30 nam 2021 bơh Quốc hội khoă XV dê bè pơrjum dơ̆ sơnrờp, Quốc hội khoă XV, Mpồl kuang bàng Quốc hội càr Dăk Lăk neh lời tŭ jiơ cribơyai tàm mpồl ală tơngume do. Ală kuang bàng tàm Dăk Lăk tơlik nùs nhơm ring bal mờ tơngume ală jơnau yal mờ rơcăng broă rơndăp lơh bơtàu tơnguh lơh sa- mpồl bơtiàn geh yal tàm dơ̆ pơrjum, mơkung geh jơnau đơs tai bè broă sền swì bơta gơrềng bơh kòp Covid-19 dê tus mờ làng bol, ngan là bơta sền gròi gơwèt mờ cau là kơnòm dềt gơtìp chơ̆t jơh mè bèp tàm dơ̆ bơtờp kòp; broă ai priă bơcri dà lơgar tŭ do tàm gùt lơgar ndrờm lơyài mờ jơnau gơbàn bơh bơta do dê là tài bơh ờ gŏ rơcăng lài là tài bơh gùng dà broă lơh kơrnoăt boh lam gam uă bơta gơkòl.

Cau mblàng Lơ Mu K’Yến