VOV4.K’ho- Pơn jat tai broă lơh pơrjum dơ̆ 2, Quốc hội khóa 15, drim ngai 26/10, Mpồl kuang bàng Quốc hội càr Dăk Lăk neh cribơyai mờ ring bal ală jơnau đơs tă pơgồp bè tơngume jơnau rơcang cih Adat Cảnh sát cơ động. Tơnơ̆ tŭ iat sră yal bè jơnau rơcang cih Adat Cảnh sát cơ động, Mpồl kuang bàng Quốc hội càr Dăk Lăk neh ring bal uă bè bơta pal geh bơh broă tơnguh Kơrnuat boh lam Cảnh sát cơ động gơs Adat Cảnh sát cơ động.

Ală kuang bàng đơs là, broă tơnguh gơs Adat boh lam neh cih dờp bơta tă pơgồp bè gơnoar broă bơh mpồl cảnh sát cơ động dê tàm broă sền gàr lơngap lơngai dà lơgar. Tă pơgồp jơnau đơs ai jơnau rơcang cih Adat Cảnh sát cơ động, ală kuang bàng càr Dăk Lăk sồr: Tàm adat geh đơs tus 2 gơnoar pa bơh mpồl cảnh sát cơ động dê, hơ̆ là: geh cèng phàu crong, phan dong kờl, phan bơna măi mok tàm anih ơhò ơm mờ guh rơndeh par; geh rơcang tai rơndeh par, ơhò plung nàng drơng kơnòl broă, bơta do là dipal mờ kơnòl broă.

Cau mblàng K’Duẩn