VOV4.K’ho- Mho òr 19/4, Mpồl kuang bàng Quốc hội càr Dak Nông neh bơyai lơh pơrjum ai jơnau đơs tă pơgồp bè rơndăp lơh Adat Toh glài (tam gơl) kờ` drơng broă lơh gơs ală rơndăp lơh adat yal tàm pơrjum dơ\ 5, Quốc hội kơnă XIV. Ală kuang bàng đơs là, pal lơh loh bơh tài tơrmù khà dơ\ toh glài bơh 3 tơngai gơmù gam 2 tơngai.

Adat pal cih loh làng, song dơ pă bè tơngai toh glài nàng ală anih lơh broă, mpồl lơh broă geh gơrềng rơcang lài tàm broă lơh toh glài. Bè cih bơta pal geh nàng geh toh glài kờ` pal tam gơl, bơtơl bàr pe tơngume, ngan là gơ wèt mờ cau jàm gam ơm jàm tàm hìu jàm, anih krơ\ jàm pal săp khà niam.

Adat lơh kung kờ` pal cih loh làng rlau tai bơta pal geh nàng sền swì dan toh glài gơ wèt tus mờ cau ùr gam ròng kòn dềt hơđơm 36 nhai neh geh kơrnoat lơh jat kơrnoat lơh glài bơh anih cah r`a dê mơya geh anih cah r`a ai ơm ờ hềt lơh jat kơrnoat lơh glài ku\p jàm bơh anih cah r`a dê.

Cau mblàng mờ yal tơngi\t- Lơ Mu K’Yến