VOV4.K’ho - Mpồl kuang bàng Quốc hội càr Daklak tìp mat cau te\ khà tàm xã Quảng Hiệp, kơnhoàl Cư Mgar mờ sơnah [òn Ea Tam, [òn dờng Buôn Ma Thuột, càr Daklak, yal cồng nha pơrjum dơ\ 5, Quốc hội khoá 14. Tàm ală dơ\ tìp mat mờ kuang bàng Quốc hội, cau te\ khà Daklak đơs bơta ờ ring bal mờ broă geh ờ uă cau sơ mờm bơta kờ` gơboh dà lơgar nàng lơh tung lơtang tus ngap lơngai tàm ờ uă tiah ndai tàm gùt lơgar. Cau te\ khà sồr ală kấp gơnoar atbồ pal lơh loh, lơh glài krà` ală cau lơh tìs adat boh lam nàng làng bol in iang nùs lơh broă, lơh sa.

Cau te\ khà càr Daklak kung dan mờ Kuang bàng Quốc hội ờ uă bơta gơ rềng tus càr bè: Broă lơh lơh niam wơl hành chính pal geh lam lơh tus xã, sơnah [òn; sơlơ bơtàu tơnguh lơh sa suơn sre ngui công nghệ cao, sền gròi tus bơtàu tơnguh mat kă bro kơphe Buôn Ma Thuột; broă lơh dong kờl bảo hiểm làng bol kòn cau in… Cau te\ khà Y Noa Niê, ơm tàm [òn A Lê B, sơnah [òn Ea Tam, [òn dờng Buôn Ma Thuột geh jơnau dan: “Tu\ do, bảo hiểm y tế gam geh tac den ală hìu bơnhă ndrờm blơi bảo hiểm ndrờm bal lơm, mơya gơwèt mờ làng bol kòn cau den gam kal ke, den tàng khi ờ geh priă blơi bảo hiểm y tế. Den tàng, dan dà lơgar dong kờl priă blơi bảo hiểm y tế ai làng bol kòn cau in, tài làng bol kòn cau kis tàm tiah sar lơgar ngài den kòp jê uă ngan.”

              Cau mblàng K’Duẩn