VOV4.K’ho – Mho òr (8/1), Mpồl kuang bàng Quốc hội càr Daknông bơyai lơh tơn jơh broă lơh nam 2017 mờ mut lơh rơndap broă, kơnòl broă nam 2018. Tàm nam 2018, Mpồl kuang bàng Quốc hội càr Daknông pơn jat tai lơh ală broă lơh jat rơndap broă lơh ngan ngồn. Mùl màl, tàm broă lơh tìp mat cau te\ khà, mpồl tơr gùm tìp mat tơngume nàng git loh rlau tai bơta kơp kờ` bơh cau te\ khà tàm ală gah broă lơh.

Tàm broă lơh sền gròi, Mpồl sac rơwah ală broă geh sền gròi uă, ờ suk, geh làng bol, cau te\ khà sền gròi kung bè sac rơwah ală broă pơn rơ nàng sền gròi, sồr bơsong tus dut ndơl. Nàng tus bal ală dơ\ pơrjum geh cồng nha niam ngan rlau jơh; bơdĩh mờ bơta pơ gồp bal mờ gơp dùl bă krà` cê, ală kuang bàng pal pơn jat tai tơnguh jơnhua bồ tơngoh jak chài, geh kơnòl, lơh niam gơnoar broă là rơbàng tơrbo\ mờ cau te\ khà, làng bol neh pin dờn jàu.