VOV4.K’ho – Rơcang lài tơngume ai pơrjum dơ\ 7 Quốc hội khoá 14 in, ală kuang bàng Quốc hội neh tìp mat cau te\ khà xã Dà Loan, kơnhoàl Đức Trọng mờ cau te\ khà xã Proh, kơnhoàl Đơn Dương, càr Lâm Đồng. Tàm ală dơ\ tìp mat, Kuang bàng Quốc hội càr Lâm Đồng neh yal bè broă lơh, tơngume bơh pơrjum dơ\ 7, Quốc hội khoá 14 mờr tus dê.

Tàm pơrjum dơ\ do, Quốc hội geh sền sơ wì ring bal 7 rơndap lơh adat, tàm hơ\ geh Adat bơ to bơtê mờ bơsram, Kiến trúc, atbồ dia, bơcri priă dà lơgar, lơh jat kơrnuat lơh glài hình sự, rơcang sơndră bơta aniai bơh ơlak – bièr, adat tam gơl, bơ tơl ò uă bơta bơh Adat tac bảo hiểm mờ adat Sở hửu trí tuệ; 2 rơndap cih Nghị quyết; mơkung ai jơnau đơs bè 9 rơndap lơh adat; cribơyai ală bơta lơh sa - mpồl bơtiàn, kes priă dà lơgar, broă lơh gròi sền…

Ală kuang bàng kung yal bè cồng nha lơh sa mpồl bơtiàn 3 nhai bồ nam 2019 bơh gùt lơgar mờ càr Lâm Đồng dê… Cau te\ khà ală tiah kơp kơ nờm tàm cồng nha tơngume dơ\ pơrjum tus, mờ chờ hờp bè ală cồng nha lơh geh bơh rài lơh sa mpồl bơtiàn dà lơgar mờ càr dê.

                                                                            Cau mblàng K’Duẩn