VOV4.K’ho - Mho òr (21/3), mpồl kuang bàng sền gròi bơh Hội đồng Dân tộc Quốc hội neh lơh broă tàm càr Kon Tum bè broă lơh jăt broă lơh adăt boh lam, dong kờl tơnguh bơtàu broă bơto bơtê tàm tiah làng bol kòn cau, kơh bơnơm tơngai bơh nam 2010 tus 2017 tàm càr Kon Tum.

Ala măt UBND càr Kon Tum neh đơs tus ờ uă kal ke, ờ pràn tàm gah bơto bơtê càr dê bè, ờ tơl phan bơna, jơdu\ bơsram ing gam uă; tam pà kơnòm bơsram tơnơ\ mờ jơh bơsram cấp 2 gam uă kal ke.

Càr Kon Tum dan mờ Quốc hội, Chính phủ bal mờ ală bộ, gah lơh broă dà lơgar pơn jăt tai geh sùm broă dong kờl tơnguh bơtàu broă bơto bơtê tiah kơh bơnơm, dong kờl ală càr kơh bơnơm kal ke bè càr Kon Tum ală bơta phan bơna, phan lơh broă bơto bơsram kờ` lơh jăt broă lơh mờ sră măy bơto phổ thông pa tus do.

Cau cih mờ yal tơng^t Ndong Brawl