VOV4.K’ho - Mpồl kuang bàng lơh broă sồ 3 bơh Ủy ban tĕ khà càr Lâm Đồng neh lòt sền gròi broă rơcang tĕ khà tàm kơnhoàl Dam Rông. Jơnau yal mờ Mpồl kuang bàng lơh broă sồ 3, Ủy ban tĕ khà kơnhoàl Dam Rông pà gĭt: Tus tàm tŭ do, ală tơngu me broă rơcang tĕ khà kuang bàng Quốc hội mờ Hội đồng Nhân dân (HĐND) ală cấp, tơngai lơh broă bơh nam 2021 tus 2026 tàm kơnhoàl neh lơh gơs di mờ tơngai, rơndăp broă geh ai.

Tŭ do, kơnhoàl pơn jăt tai lơh jăt broă lơh, lir khà măt cau tĕ khà mờ yal khà măt mùl màl ală cau tơlĭk măt tĕ khà kuang bàng Quốc hội mờ HĐND ală cấp mờ phan bơna drơng lơh ai ngai lơh broă tĕ khà. Lài mờ hơ̆, Mpồl kuang bàng sồ 3, Ủy ban tĕ khà càr neh lòt sền gròi mùl màl broă rơcang tĕ khà tàm ờ uă mpồl tĕ khà tàm kơnhoàl do sơl.

Cau mblàng Ndong Brawl