VOV4.K’ho- Pơn jat tai pơrjum nisơna, drim ngai 06/01, cribơyai tàm mpồl, mpồl kwang bàng Quôk hội càr Dăk Lăk neh tơrgùm cribơyai bè Adat tam gơl, bơtơl 2, 3 bơta bơh Adat bơcri priă dà lơgar, Adat bơcri priă jat broă lơh bal đah dà lơgar mờ cau dùl nă să; Adat bơcri priă, Adat cok khà priă, Adat ồs đèng, Adat Mpồl lơh sa kă bro, Adat dia ngui phan kwơ màng, Adat lơh jat kơrnuat lơh glài tìs dân sự jat broă lơh pơrjum neh ai tơlik.

Ală kwang bàng Quôk hội tàm càr Dăk Lăk ring bal uă broă tam gơl, bơtơl 2, 3 bơta bơh 8 adat dê geh lơh gơs kơrnuat boh lam tơl làm ală gùng dà, broă lơh bơh Đảng dê mờ di tŭ bơsong ală kal ke, kòl yan gơlik geh tàm bơta geh ngan. Tă pơgồp jơnau đơs bè Adat bơcri priă dà lơgar, ồng Y Vinh Tơr, Kwang atbồ mpồl kwang bàng Quôk hội càr Dăk Lăk ring bal mờ 3 tơngume pal tam gơl, mơya ồng sồr pal sền gròi rlau tai tus broă tam pà kấp, tam pà gơnap gơnoar mờ kơnòl broă gơ wèt tus mờ ală rơndap broă lơh geh priă bơcri ODA.

Cau mblàng K’Duẩn