VOV4.K’ho – Drim òr 13/10, tàm Hà Nội, mò Trương Thị Mai, Ủy viên Bộ Chính trị, Bí thư Đảng Dà lơgar, Kuang atbồ Mpồl lam sồr làng bol dà lơgar dê neh hòi jà jơh ală kuang bàng, cau lơh broă sa priă nhai dà lơgar tàm ală Mpồl lam sồr làng bol tàm gùt lơgar tă pơ gồp priă jền dong kờl làng bol tàm ală càr gơtìp aniai hoàc hươr tài bơh mìu nhàc dà ko\ dà cò lơh.

Tàm dơ\ bơyai lơh, gal ngan kuang bàng mờ cau lơh broă tàm Mpồl lam sồr làng bol dà lơgar dê neh tă pơgồp dong kờl dùl nă cau êt ngan kung là bơh 1 ngai priă nhai.

Bơh bồ nhai 10 tus tu\ do, mìu dờng sùm bơh tiah tàm gùl lơgar tus tàm tiah đah tô dà lơgar lơh gơ ngơr bam dà uă ngan tàm ală tiah mờ lơh ală gùng lòt, bơtơ\t tơnau dơng dà, ală gùng che đèng, rbàng, brong dà, phan tam, hìu đam, màng kis làng bol tàm ală càr gơtìp aniai hoàc hươr uă ngan, uă ngan là tàm ală càr tiah kơh bơnơm đah tô mat tơngai mu\t dà lơgar dê.

Cau cih mờ yal tơngi\t-Lơ Mu K’ Yến