VOV4.K’ho - Drim òr (15/10), tàm tiah ñjrong sồ 16.3, gơwèt gơl gùng nhàr dà lơgar đah lơgar Việt Nam mờ lơgar Campuchia, Mpồl đơng lam ling sền gàr tiah nhàr dà lơgar càr Kon Tum neh bơyai lơh jào pà phan sa, phan lơh sơnơm ai Tiểu khu ling klàng càr Rattanakiri, lơgar Campuchia.

Mpồl ling sền gàr tiah nhàr dà lơgar càr Kon Tum pà phan sa, phan lơh sơnơm ai mpồl ling sền gàr tiah nhàr dà lơgar, lơgar Campuchia in

Mùl màl, mpồl ling neh jào pà rơlao 3 tấn nggùl phe, 20 thùng ƀung mi mờ ờ uă phan ngui, phan lơh sơnơm nàng drơng tàm broă rơcang sơndră mờ kòp Covid-19 mờ kờp jơh khà rơlao 55 tơlăk đong. Broă lơh do nàng tơnguh broă lơh git gơ̆p, tam klăc bal, lơh broă bal đah bàr mpồl ling tàm broă atbồ, sền gàr tiah nhàr dà lơgar, kơrian broă lik, mŭt ờ di mờ adăt boh lam, rơcang sơndră mờ ală bơta tìs mờ rơcang sơndră mờ kòp Covid-19.

Cau mblàng Ndong Brawl