VOV4.K’ho- Tàm tiah jrong tồt 790, mpồng nhàr dà lơgar dunia Bờ Y, kơnhoàl Ngọc Hồi, Gah đơng lam mpồl ling sền gàr tiah nhàr dà lơgar càr Kon Tum neh lam lơh pà phe, phan sa, phan lơh sơnơm ai mpồl Kuang àng, ling klàng 2 càr Atapư mờ Sê Kông, lơgar Lào in.

Kờp jơh, Gah đơng lam mpồl ling sền gàr tiah nhàr dà lơgar càr Kon Tum neh pà mpồl kuang àng, ling klàng 2 càr do in 13 tấn phe, 80 thùng ƀung mi mờ chèu glòm muh mat, àu mpha rơcang sơndră kòp, dà lơh kloh khuẩn mờ kờp priă rlau 220 tơlak đông. Ala mat Mpồl Kuang àng, ling klàng 2 càr Atapư mờ Sê Kông jơh nùs ưn ngài bơta dong kờl ngan ngồn, di tŭ bơh Gah đơng lam mpồl ling sền gàr tiah nhàr dà lơgar càr Kon Tum dê; mờ kung pơn jat tai sền dờng màng, sền gàr bơhiàn tam klac lơh bơyô kuơmàng, sơlơ pơgồp bal jơh nùs tàm broă lam lơh kơnòl broă sền gàr lơngap lơngai tiah nhàr dà lơgar mờ rơcang sơndră ma túy.

Cau mblàng K’Duẩn