VOV4.K’ho – Nàng dong kờl kơnòm bơsram kòn đời, kơnòm bơsram r[ah làng bol kòn cau in geh tai ală bơta buơn mờ bơta pràn lòt bơsram, Gah đơng lam mpồl ling sền gàr tiah nhàr lơgar càr Gia Lai dê neh bơyai lơh uă broă lơh pơn jờng bơsram. Bơh hơ\, ờ mìng dong tơrmù bơta kơnòm bơsram sang te\ bơsram tài bơh kal ke, mờ gam lơh niam bơta tam klăc bal ling klàng, làng bol, pơgồp bơnah gàr niam lơngap lơngai chính trị tàm tiah do dê

Mè bèp chơ\t gờ`, neh 4 nam do, oh Rơ ô H’Yoan, kòn cau Jarai, rê tàm Trung tâm dong kờl mpồl bơtìan tơrgùm bal càr Gia Lai dê kis bal mờ mờr 90  nă gơ\p bơyô, oh mi geh rài kis ndrờm bal.

Sơr lèt gan bơta bàs sìl bơh rài kis, ală nam do, H’Yoan sùm là cau bơsram jak tàm hìu bơsram kấp hai Hoàng Hoa Thám, [òn dờng Pleiku. Mut tàm nam bơsram pa do, Rơ ô H’Yoan mờ ală sau kòn đời tàm Trung tâm geh Gah đơng lam Mpồl ling sền gàr tiah nhàr lơgar càr dê pà uă kong tàp mờ phan ngui tàm broa\ bơsram. Phan pà bulah ờ uă bè phan bơna, mơya ai bơta pràn nàng H’ Yoan in lơh ngan tàm broă bơsram.

 “Ngai do geh ală mơi wa tàm gah mpồl ling sền gàr tiah nhàr lơgar càr Gia Lai dê pà phan den oh gơ lơh chờ hờp ngan, tài geh ală phan pà là kuơ màng ngan bol oh in mut tàm nam bơsram pa. Den tàng bè hơ\ oh gơ lơh chờ hờp ngan. Oh dan hơ là lơh ngan bơsram jak nàng là cau  gơ lòng sồr, iăt jơnau bơto bơtê bơh cau pơgru dê gơs là cau geh kuơ tàm mpồl bơtìan”

Tàm xã tiah nhàr lơgar Ia Dom, kơnhoàl Đức Cơ, càr Gia Lai, uă nam do, pôs đồng mpồl ling sền gàr tiah nhàr lơgar Mpồng nhàr lơgar dunia Lệ Thanh pờ dùl Hìu bềp tru\ sa nùs nhơm, bơh Mpồl lơh broă tàm ù tiah do dê drơng lơh. Nam bơsram do, tàm tiah do, geh 14 nă sau dềt, ndrờm là kòn cau Jarai, rài kis uă kal ke halà kòn đời mè bèp.

        Hìu bềp tru\ sa nùs nhơm bơh pôs đồng mpồl ling sền gàr taih nhàr lơgar Mpồng  nhàr lơgar dunia Lệ Thanh

Bơh nam 2012 tus tu\ do, geh ală wa tàm mpồl ling sền gàr tiah nhàr lơgar ròng sa gùl ngai, ală sau ờ mìng lòt bơsram niam pah ngai mờ gam geh cồng nha bơsram jak. Nam bơsram pa do, pôs đồng mpồl ling sền gàr tiah nhàr lơgar mpồng nhàr lơgar dunia Lệ Thanh pà tơl nă sau in ào mpha, dùl nơm kong tàp mờ uă ma\y, sră cih, phan ngui bơsram.

Mò Nguyễn Thị Kim Yến, Hiệu trưởng hìu bơsram kấp hai Nguyễn Trãi, xã Ia Dom, kơnhoàl Đức Cơ pà g^t, bal mờ broă ròng siam, mpồl ling sền gàr tiah nhàr lơgar gam pơgồp bal niam ngan mờ hìu bơsram nàng tàp pràn bơta chài kis ai ală sau in ờ mìng bơsram jak mờ gam pin dờn tàm rài kis.

 “Pah ngai, broă sền gròi ai  ală sau in sào sa, ală wa kung gam bơto bơtê ală sau broă tàm bơh bơr, lòt rê, bơtê ală sau in g^t jơnau lùp lap. Ală wa sền ală sau bè là kòn tờm tàm hìu bơnhă. Jơh ală sau ndờm niam ngan: broă lơh, nùs nhơm drờm niam lơm”

Bơdìh mờ broă bơyai lơh mờ rề ơnàng broă  lơh hìu bềp tru\ sa kờ` gơboh, bơh tàm gùl nhai 4/2016 tus tu\ do Gah đơng mpồl ling sền gàr tiah nhàr lơgar Gia Lai neh dờp ròng siam, dong kờl 50 nă sau dềt geh rài kis uă kal ke tàm 7 xã bơh 3 kơnhoàl tiah nhàr lơgar  Đức Cơ, Ia Grai mờ Chư Prông tàm càr Gia Lai dê. Pơnjat hơ\, pah nhai, kuang bàng, cau ling mờng broa\ tàm ală mpồl tă dùl bơnah ờ uă priă nhai bơh he dê, dong kờl tơl nă sau in 500 rơbô priă.

Jat ồng Hồ Đình Ký, Phó Bí thư Đảng ủy xã Ia Dom, kơnhoàl Đức Cơ, ală broă lơh do bơh mpồl ling sền gàr tiah nhàr dà lơgar dê tơngo\ nùs nhơm ling klàng- làng bol  đềt mềr tàm tiah nhàr lơgar.

 “Bơh lài tus tu\ do, mpồl ling sền gàr tiah nhàr lơgar neh lơh jat niam gơnoar broă, dong kờl kơnòm bơsram, tơrmù bơta kơnòm bơsram sang te\ bơsram, ngan là gơ wèt mờ kơnòm bơsram r[ah. Den tàng bè hơ\, bơta tă pơgồp hơ\ ai bơta pràn ai ală kơnòm in, mờ bơta cih dờp bơh làng bol dê mờ mpồl ling sền gàr tiah nhàr lơgar . Bơh hơ\ geh bơta rềp mềr mờ tàm pà bal”

Bal mờ hơ\, ală nam do, Gah đơng lam mpồl ling sền gàr tiah nhàr lơgar càr Gia Lai neh bơyai lơh pà g^t nđờ rơhiang nơm rơndeh coh, ào mpha,  sra\ ma\y, sră cih mờ khà priă tă gơguh tus g^t nđờ tơmàn priă nàng dong kờl srơh pơn jờng bơsram tàm ală tiah, ngan là tàm tiah nhàr lơgar. Trung tá Rơ Mah Tuân, Phó Chính ủy Gah đơng lam mpồl ling sền gàr tiah nhàr lơgar Gia Lai pà g^t:

 “Wèt tus tiah nhàr lơgar, broă lơh ngan ngồn ngan rlau jơh là dong kờl ală kơnòm bơsram tàm tơngai mut nam bơsram pa. Bơdìh hơ\ tai, bol a` jàu mpồl cau ùr in, mpồl ơruh pơnu càr dong kờl sau dềt kòn đời mờ kơnòm bơsram r[ah tàm Trung tâm dong kờl mpồl bơtìan càr dê”.

Ală broă lơh pơn jờng bơsram bơh mpồl ling sền gàr tiah nhàr lơgar càr Gia Lai dê ờ mìng dong kờl broă lơh gàr niam khà kơnòm lòt bơsram tàm tiah nhàr lơgar, mờ gam lơh niam bơta tam klăc rềp mềr ling klàng, làng bol sơlơ kơ\ kơl jap mờ pơgồp bal gàr niam lơngap lơngai chính trị tàm tiah do dê.

Cau mblàng K’ Hạnh