VOV4.K’ho- Ngai 20/5, mpồl ling sền gàr tiah nhàr lơgar neh kŭp 30 nă cau mŭt tàm lơgar tìs mờ kơrnoat boh lam, dờp 55 nă cau tàm ală gơl gùng tiah nhàr lơgar: Lạng Sơn, Cao Bằng, Thanh Hóa, Tây Ninh, Đồng Tháp, An Giang.

Tềng đăp bơta kòp Covid-19 gam lơh bơtờp mờ geh uă bơta gơbàn kal ke tàm lơgar, tàm tŭ hơ̆ broă mŭt bơh lơgar ndai mờ lik tus lơgar ndai tìs mờ kơrnoat boh lam kung gam ờ hềt gơmù sơl, ồng Hoàng Hữu Chiến- Thiếu tướng, Phó Kuang ătbồ Kuang dong broă Mpồl ling sền gàr tiah nhàr lơgar sồr, mpồl ling sền gàr tiah nhàr lơgar sơlơ tơnguh tai broă lơh mblàng yal, hòi jà làng bol tàm tiah nhàr lơgar, tiah dà lềng bañ dong kờl, bañ tàm mpồn, jun cau lik mŭt mờ lơgar ndai tìs mờ kơrnoat boh lam. Tàm ù tiah geh ngan tàm ală mpồl drơng sền, tàm ală mpồng nhàr lơgar, ală mpồl lơh broă geh gơnoar tơrgùm tàm ală ƀòn lơgar geh uă broă do, kal ke, ngan là tàm gơl gùng tiah nhàr lơgar đah Việt Nam mờ Lo, Việt Nam mờ Campuchia.

Cau mblàng Lơ Mu K’Yến