VOV4.K’ho - Mpồl lơh broă bơh Ban Bí thư dê bơh ồng Trần Quốc Vượng, Ủy viên Bộ Chính trị, thường trực Ban Bí thư Đảng dà lơgar lơh kuang atbồ mpồl neh tus còp mờ lơh broă tàm xã Ea M’droh, kơnhoàl Cư Mgar, càr Daklak. Tàm dơ\ lơh broă, ală kuang bàng tàm mpồl sồr xã lơh loh ờ uă bơta gơ rềng tus broă lam lơh jat ală nghị quyết bơh dà lơgar dê, broă bơsong ù lơh sa, ù ơm, bơto broă lơh làng bol kòn cau in…

 Ồng Trần Quốc Vượng sồr mpồl kuang bàng xã pơn jat tai bơtàu tơnguh bơhìan tam klac bal, lơh ngan rlau tai nàng bơt bơtàu xã bơtàu tơnguh kơ\ kơljap. Mpồl lơh broă bơh Ban Bí thư dê neh pà 5 bơnah phan ai 5 hìu bơnhă geh sră dong kờl bơh dà lơgar geh pơn rơ ngan mờ dong kờl priă lơh 10 nơm hìu nùs nhơm ai hìu bơnhă r[ah in. Bộ Lao động – Thương binh mờ xã hội dong kờl priă lơh 5 nơm hìu nùs nhơm mờ pà 200 bơnah priă dong kờl bơsram kờp priă 500 tơlak ai ală hìu bơnhă r[ah mờ kơnòm bơsram r[ah sơr lèt gan kal ke tàm xã.