VOV4.K’ho- Mho òr 27/6, tàm Hà Nội, Mpồl lơh broă bơh Thủ tướng Chính phủ dê geh dơ\ lơh broă mờ Bộ Nội vụ bè broă lơh jat kơnòl broă geh Chính phủ mờ Thủ tướng Chính phủ dê jàu.

Tàm dơ\ lơh broă, ồng Mai Tiến Dũng, Bộ trưởng mơkung là Kuang atbồ Văn phòng Chính phủ, Kuang atbồ Mpồl lơh broă bơh Thủ tướng Chính phủ dê đơs là, Bộ Nội vụ pal geh broă rơndăp lơh lơh jat nền cê gơ wèt mờ ală broă mpồl bơtiàn sền gròi, tàm hơ\ sền ngac broă bè biên chế mờ priă nhai.

Jơnau kờ` geh ai jat Nghị quyết sồ 39 khà tơrmù biên chế tus nam 2021 êt ngan rlau jơh kung là bơh 10% gơ wèt mờ bộ, ban, gah lơh broă, mpồl chính trị- mpồl bơtiàn, càr, [òn dờng tàm gùt lơgar.

Gơ wèt mờ anih lơh broă dà lơgar crơng gơs geh priă lơh geh broă lơh, sồr lơh pràn tam gơl tai 10% khà viên chức tus gùng dà broă lơh rơcang is. Bè hơ\, pah nam pal tơrmù 1,5% biên chế tàm tu\ tàm uă tiah broă ngui biên chế gam sơrlèt mờ jơnau ai.

Bộ Nội vụ pal geh bơta lơh niam wơl tàm broă atbồ công chức, viên chức, ờ go\ di tơnguh tai biên chế, ờ go\ di lời mpồl lơh broă sơlơ geh uă tai cau, tam gơl pràn kơldang anih lơh broă dà lơgar crơng gơs gơ gơs là anih lơh broă rơcang is, tàm hơ\ geh rơcang is priă jền.

Cau mblàng Lơ Mu K’Yến