VOV4.K’ho – Ngai òr (17/8), Mpồl lơh broă bơh Ủy ban Mặt trận dà lơgar Việt Nam bơh ồng Nguyễn Hữu Dũng, Phó Chủ tịch Ủy ban Mặt trận dà lơgar Việt Nam lam bồ neh lơh broă mờ Ủy ban Mặt trận dà lơgar càr Daknông nàng sền sơwì broă lơh jat jơnau đơs pơn dut sồ 1 bè “Tam gơl pa tơngume, broă lam lơh bơh Mặt trận dà lơgar Việt Nam dê tàm broă lơh kòn cau”. Jat jơnau yal, càr Daknông tu\ do geh rlau 630 rbô nă cau bal mờ 40 jơi bơtiàn kòn cau ơm kis. Tàm hơ\, làng bol kòn cau geh 31%.

Broă lơh jat jơnau đơs pơn dut sồ 1 neh lơh geh ală cồng nha bơh sơn rờp, mơya broă lơh kòn cau tàm càr kung gam uă bơta ờ niam bè khà hìu bơnhă r[ah tàm làng bol kòn cau gam uă, bơta làng bol ntrờn tiah ơm kis khat gơboh gam uă; ờ hềt git rơcang lài tàm broă lơh lam sồr cau geh bơngă pin dờn, den tàng ờ uă broă lơh gam cèng bơta lơh ing…

Đơs tơn jơh dơ\ lơh broă, Phó Chủ tịch Ủy ban Mặt trận dà lơgar Việt Nam, ồng Nguyễn Hữu Dũng sồr càr Daknông pal rơcang lài cribơyai, geh ală broă lơh geh cồng nha ai kấp ủy, gơnoar atbồ, bơh bơta iat jơnau đơs, tă pơgồp jơnau đơs bơh làng bol dê, lơh gơs bơh ring bal uă tàm mpồl bơtiàn.

          Cau mblàng K’Duẩn