VOV4.K’ho- Mho ngai 26/4, Mpồl lơh broă bơh Ủy ban Mặt trận Dà lơgar Việt Nam bơh mò Trương Thị Ngọc Ánh, Phó Chủ tịch Ủy ban Mặt trận dà lơgar Việt Nam lơh Kuang atbồ mpồl neh lòt sền, sền gròi broă lơh tĕ khà Kuang bàng Quốc hội khoá 15 mờ Kuang bàng Hội đồng Nhân dân ală kấp tơngai lơh broă bơh nam 2021-2026 tàm càr Bạc Liêu.  Kờp tus tŭ do, Ủy ban tĕ khà ală kấp tàm càr neh lơh nền mờ yal ală mpồl lơh broă tĕ khà, sră cih mat ală mpồl lơh broă, ală Kuang bàng geh pồ tàm tơl mpồl lơh broă dê. Tus tŭ do, kờp jơh cau tĕ khà gùt càr geh lĭr sră yal rlau 611 rơbô 700 nă cau, kờp jơh ală tiah đùh sră tĕ khà Kuang bàng Quốc hội khoá 15 mờ Kuang bàng Hội đồng Nhân dân ală kấp tơngai lơh broă bơh nam 2021-2026 là 551 tiah...

Đơs tàm dơ̆ lơh broă, mò Trương Thị Ngọc Ánh, Phó Chủ tịch Ủy ban Mặt trận Dà lơgar Việt Nam sồr: bơh tŭ do tus ngai tĕ khà, càr Bạc Liêu pơn jat tai tơnguh broă lơh mblàng yal nàng làng bol in wă uă rlau tai, wă wờng tơl bè gơnoar, kơnòl broă mờ kơnòl bơh cau tĕ khà dê, bơta kuơ mờ bơta dờng màng bơh dơ̆ tĕ khà dê.

Cau mblàng K’ Hạnh