VOV.K’ho-Mờ bơta kơ\p kờ` dong ală rài kis kal ke ală cau ờ bơtuah bơtoài, Mpồl lơh broă mpồl bơtiàn- Rơnàng kơnòm să Ea Súp, kơnhoàl Ea Súp, càr Daklak neh crơng gơs.

5 nam kờp bơh ngai crơng gơs, bơh ală broă lơh geh kuơ ngan ală cau tàm mpồl dê neh mờ gam pơn jat tai rề ơnàng tơnguh uă ală nùs nhơm kờ` gơboh kòn bơnus tàm [òn lơgar, tam pà bal ală bơta kal ke tàm rài kis, là mpồl cau tàm tơrbo\ bơh ală bơta kờ` gơboh dê.

Sèng cơldu\ bơsram bơh phân hiệu 2- Hìu bơsram kấp một Cư\ M’lan tàm thôn Bình Lợi, xã Cư\ M’lan, kơnhoàl Ea Súp dê pa geh ai ngui bồ nam bơsram 2017- 2018 neh dong ùr pơgru mờ kơnòm bơsram bơh hìu bơsram dê ờ gam pal bòl glar tai lòt gùng jòng 4, 5 kơi sồ nàng tus tàm anih hìu bơsram tờm.

Ală cơldu\ bơsram do geh đau là tài bơh mpồl đoàn viên, ơruh pơnu bơh Mpồl lơh broă mpồl bơtiàn- Rơnàng kơnòm să Ea Súp dê lơh bơh bơnah priă dong kờl bơh ală cau geh nùs nhơm niam tàm dơlam mờ bơdìh càr dê.

Mờ khà priă 1 tơmàn, bơdìh mờ 3 cơldu\ bơsram bal mờ k[àng cơghế tơl khà sơnam kấp một, gam geh tai 2 hìu jă brê mờ 1 dà tơrlung sàng kloh nàng geh dà ngui sa ai cau pơgru mờ kơnòm bơsram in. Ùr pơgru Nguyễn Thị Tuyết, bơto tàm Hìu bosram kấp một Cư\ M’lan, pà gi\t:

            Ală oh lòt bơsram kal ke ngan, geh oh hìu ơm ngài mờ hìu bơsram tus 4, 5 kơi sồ, gùng lòt den kal ke. Geh tu\ bol a` sền go\ jơnau ală oh dềt ngan, rơ\p pa bơsram ơdu\ 1 tàm tề tê lòt jat gơ\p lòt jơng tàm gùng ù bo\ ntiar ngan, gơtìp gơ pừ [ơ\ jơh àu mpha mơya kung gam pơn jat tai ntàu nàng lòt tai, sền mờ gơlơh sơnđàc ngan ală oh.

Bơh ngai phân hiệu 2 bơh hìu bơsram dê tàm thôn Bình Lợi geh ală cau geh nùs nhơm niam mờ Mpồl lơh broă mpồl bơtiàn- Rơnàng kơnòm să Ea Súp dê lơh gơs, gùng lòt bơsram bơh ală oh dê neh ờ huan kal ke tai, lòt bơsram chờ hờp chờ hờn rlau.

Bal mờ jơnau kơ\p kờ` “Rơnàng kơnòm să lơh broă dong kờl is tài rài kis mpồl bơtiàn”, tơrgùm wèt tus tiah sar lơgar ngài, tiah nhàr lơgar mờ tiah kal ke uă; mpồl cau bơh Mpồl lơh broă dê sùm lòt jòi mờ lam lơh ală rơndăp broă lơh, ală broă dong tơrmù [à ală bơta kal ke bơh làng bol kòn cau dê, kơnòm dềt gùt kơnhoàl, ngui dipal priă dong kờl bơh ală cau geh nùs nhơm niam dê.

Bàr pe broă lơh neh lơh geh muh mat bơh Mpồl dê mờ geh rề ơnàng lơh uă tàm jơh gùt càr, bè: “Hìu bơsram tài bơta kờ` gơboh”, “Dà sàng kloh tài bơta kờ` gơboh”, “Mbar kơnâm tơlir”, “Anih nhơl kơnòm dềt”…Là cau jơh nùs ngan bơh Mpồl lơh broă mpồl bơtiàn dê, bơyô Y Khâmt Niê, pà gi\t gơlơh chờ hờp ngan bè ală bơta lơi mờ he neh lơh:

            Oh sền go\ ală broă lơh bơh Mpồl lơh broă mpồl bơtiàn dê là geh kuơ ngan, lơh kòn bơnus sơlơ gơ ơm rềp bal mờ gơ\p, tơrmù te\ bơta tam cah ngài ù tiah [òn lơgar kung bè bơta ờ ring bal đah cau pas mờ cau r[ah. Tu\ mu\t lơh broă tàm Mpồl lơh broă mpồl bơtiàn, oh sền go\ rài kis he dê geh kuơ rlau mờ kơ\p kờ` tă pơgồp uă rlau ai dà lơgar mờ [òn lơgar in.

Lơh gơnoar broă là cau lam sồr, cau bơyai lơh ai ơruh pơnu in tus bal lơh ală broă lơh dong kờl is mờ tàm tơrbo\ ală mpồl lơh broă dong kờl is rê tus mờ tiah kal ke, bi Lê Hồng Anh, Cau atbồ Mpồl lơh broă mpồl bơtiàn- Rơnàng kơnòm să Ea Súp pà gi\t, bơh mờr 5 nam lơh broă tus tu\ do, mpồl geh 50 nă cau lơh broă sùm mờ mờr 2 rbô nă cau tàm mpồl dong kờl. Tơl nă cau tàm mpồl là dùl nă cau jơh nùs ngan tàm broă lơh tài mpồl bơtiàn:

            Kơnhoàl Ea Súp là kơnhoàl tiah sar lơgar ngài, tiah kal ke, lài do geh uă cau geh nùs nhơm niam kờ` tus tă pơgồp, dong kờl kơnhoàl in. Mpồl lơh broă mpồl bơtiàn- Rơnàng kơnòm să Ea Súp geh crơng gơs bal mờ bơta kơ\p kờ` là mpồl cau tàm tơrbo\ đah ală cau geh nùs nhơm niam tus mờ ală tiah kal ke bơh kơnhoàl Ea Súp dê.

Mờ kung bơh ală rơndăp broă, broă lơh geh kuơ hơ\ hòi jà đoàn viên, ơruh pơnu jơh nùs lơh bal ală broă lơh dong kờl is rê tus mờ tiah sar lơgar ngài, đơs ngan mờ tơnguh gơnoar broă lơh broă dong kờl is bơh đoàn viên ơruh pơnu tàm ù tiah kơnhoàl dê.

Bơh nùs nhơm lam lài bơh rơnàng kơnòm să dê, nùs nhơm kơ\p kờ` lơh broă niam bơh tơl nă cau dê, ală cau tàm Mpồl lơh broă mpồl bơtiàn- rơnàng kơnòm să Ea Súp, kơnhoàl Ea Súp, càr Daklak kung gam pơn jat tai tă pơgồp bơnah bal mờ kơnhoàl sền gròi dong kờl ală rài kis kal ke sơrlèt gan tàm rài kis!

                                                    Cau cih mờ yal tơngit - Lơ Mu K’Yến