VOV4.K’ho- Lơh jăt dơ̆ hòi jà lam lơh uă tă pơgồp priă jền dong kờl rơcăng sơndră kòp bơh Ủy ban Mặt trận dà lơgar Việt Nam dê, mho ngai 27/5, Mpồl Rơndăp broă dà lơgar bơyai lơh dơ̆ tă pơgồp priă jền tơmŭt tàm Kes priă rơcăng sơndră kòp Covid-19.

Mờ nùs nhơm geh kơnòl, jơh nùs bal lơh ngan kơryan mờ tam dră jai pha mờ kòp Covid-19, mò Trương Thị Mai- Kuang ătbồ Mpồl Rơndăp broă dà lơgar mờ tơl nă kuang bàng, công chức, viên chức, cau lơh broă tàm anih lơh broă Mpồl Rơndăp broă dà lơgar dê neh tă pơgồp êt ngan rlau jơh kung là bơh dùl ngai priă nhai. Đơs tàm dơ̆ bơyai lơh, ồng Nguyễn Thanh Bình- Phó Kuang ătbồ Mpồl Rơndăp broă dà lơgar dê sồr jơh ală kuang bàng, công chức, viên chức, cau lơh broă tàm anih lơh broă bơh Mpồl Rơndăp broă dà lơgar dê lơh jăt niam ală jơnau sồr bè rơcăng sơndră kòp Covid-19, mơkung lơh ngan pơđơl pràn lơh sir jơh ală kơnòl broă chính trị geh jàu.

Cau mblàng Lơ Mu K’Yến