VOV4.K’ho - Mpồl Chữ thập đỏ càr Dăk Lăk pa yal geh crơng gơs Mpồl rơndeh sơndră mhar dong kờl ai broă rơcang sơndră mờ kòp Covid-19 in.

            Mpồl rơndeh sơndră mhar nàng dong kờl broă rơcang sơndră mờ kòp gơtờp tàm càr Dăk Lăk

Jăt mờ hơ̆, Mpồl rơndeh geh 8 nă cau, geh ồng Trần Văn Hùng, Phó Kuang atbồ Mpồl rơndeh bán tải càr Dăk Lăk lơh cau atbồ mpồl. Mpồl rơndeh do tus bal dong kờl pơn diang biăp, kơnuh, plai chi, phan ngui phan sa ai broă rơcang sơndră mờ kòp Covid-19 tàm càr Dăk Lăk in jăt jơnau sồr, jơnau ai bơh Mpồl Chữ thật đỏ dê. Tus tŭ do, mpồl lơh broă do neh lơh broă bal mờ mpồl chữ thật đỏ rơlao 10 nơm rơndeh, mờ tŭ do mpồl do gam drơng broă pơn diang khàr oxy tus ală hìu sơnơm ing mờ pơn jăt tai lơh broă bal mờ mpồl Chữ thập đỏ nàng dong kờl làng bol kis tàm càr Dăk Lăk.

Cau mblàng Ndong Brawl