VOV4.K’ho- Mho ngai 30/11, mpồl sền sơ wì 138 bơh Bộ Chính trị dê bơh mò Trương Thị Mai, Ủy viên Bộ Chính trị, Bí thư Đảng dà lơgar, Kuang atbồ Mpồl bơyai broă dà lơgar lam bồ neh lơh broă mờ Đảng đoàn Quốc hội bè cồng nha đơng lam, pơlam broă kơlôi sơnơng, bơsram, pơlam lơh jat, mblàng yal jơnau, lam lơh jat ngan ngồn Nghị quyết pơrjum dờng cau ala mat gùt lơgar dơ̆ 13 bơh Đảng dê. Chủ tịch Quốc hội ồng Vương Đình Huệ, Bí thư Đảng đoàn Quốc hội neh đơng lam bal dơ̆ lơh broă.

Đơs tàm dơ̆ lơh broă, Chủ tịch Quốc hội ồng Vương Đình Huệ, Bí thư Đảng đoàn Quốc hội ring bal, đơs niam jơnau rơcang cih jơnau yal bơh mpồl sền sơ wì dê; mờ kung đơs nền, broă lơh sền sơ wì neh cèng wơl bơta kuơ niam ngan, bơh hơ̆ tơnguh jơnau git wă bè broă lơh bơt bơtàu Đảng bơh Đảng đoàn, Đảng bộ cơldŭ lơh broă Quốc hội dê kung bè ală mpồl duh broă Đảng gơ wèt Đảng đoàn Quốc hội mờ ală mpồl duh broă Đảng. Broă lơh sền sơ wì kung neh dong Đảng đoàn git loh ală broă neh lơh gơtùi, kung bè bơta ờ niam nàng bơsong tàm tơngai tus.

Cau mblàng K’Duẩn