VOV4.K’ho- Lơh jăt broă lơh sền swì bơh Ƀộ Chính trị mờ Ƀan Ƀí thư dê nam 2021, mho ngai 07/12, tàm hìu duh broă Chính phủ, Mpồl sền swì bơh Ƀộ Chính trị dê lơh broă mờ Mpồl đơng lam Đảng Chính phủ dê bè cồng nha đơng lam, sồr lơh broă kơlôi sơnơng, bơsram, lơh jăt, mblàng yal, lơh jăt loh làng mờ lam lơh jăt Kơrnoăt Pơrjum dờng cau ala măt gùt lơgar dơ̆ XIII bơh Đảng dê.

Thủ tướng Chính phủ ồng Phạm Minh Chính; Ƀí thư Đảng dà lơgar, Kuang ătbồ Ƀan Nội chính dà lơgar, Kuang ătbồ Mpồl Sền swì bơh Ƀộ Chính trị dê ồng Phan Đình Trạc đơng lam dơ̆ lơh broă. Tàm dơ̆ lơh broă, ồng Phan Đình Trạc pà gĭt, mpồl geh tơrgùm sền swì broă đơng lam, sồr lơh, kơlôi sơnơng, lơh jăt, mblàng yal, lơh jăt ngan ngồn mờ lam lơh jăt Kơrnoăt Pơrjum dờng dơ̆ XIII bơh Đảng dê. Thủ tướng Chính phủ ồng Phạm Minh Chính đơs sùm, sền swì, jăt sền là dùl tàm ală broă lơh đơng lam bơh Đảng dê, Chính phủ sền gŏ do là broă lơh kờñ ngan nàng broă lơh jăt gùng dà, jơnau sồr bơh Đảng dê, jơnau cih bơh kơrnoăt boh lam dê, jơnau sồr lơh bơh ală kuang bàng đơng lam bồ Đảng, Dà lơgar dê, gơnoar broă, kơnòl broă, gơnăp gơnoar geh jàu lơh geh cồng nha jơnhoa ngan rlau jơh.

Cau mblàng Lơ Mu K’Yến