VOV4.K’ho - Là dùl tàm uă broă lơh chờ gờm di tơnkah 91 nam ngai crơng gơs Mpồl tam klăc cau ùr Việt Nam mờ Ngai cau ùr Việt Nam ngai 20 nhai 10, tàm ƀòn dờng Kon Tum, Mpồl tam klăc cau ùr càr Kon Tum neh bơyai lơh pơrjum dong kờl cau ùr mŭt lơh broă, kă bro, bơ̆t bơtàu khà măt pơgồp bal mờ ală phan OCOP mờ tơn jơh dơ̆ pơrlòng cau ùr mŭt lơh broă bơceh lơh nam 2021.

                  Yal phan mŭt lơh broă bơh cau tàm mpồl cau ùr càr Kon Tum dê geh bơyai lơh tàm pơrjum

Tơnơ̆ 4 nam lơh jăt rơndăp broă “Dong kờl cau ùr mŭt lơh broă tơngai bơh nam 2017 tus 2025”, geh 9 broă mŭt lơh bơh cau ùr càr Kon Tum geh khà bơh dơ̆ pơrlòng mŭt lơh broă geh Mpồl tam klăc cau ùr Việt Nam bơyai lơh; ală cấp mpồl cau ùr tàm càr pơgồp bal, lơh jăt 30 broă mŭt lơh; ală cau tàm mpồl, cau ùr tus bal bơ̆t bơtàu geh 34 phan OCOP càr dê. Tàm pơrjum, geh uă jơnau đơs bơh ală kuang bàng neh lơh loh rơlao bè cơ chế broă dong kờl cau ùr mŭt lơh broă; broă mờng chài tàm broă jòi drà kă bro, hòi jà kă bro, yal ai phan mŭt lơh broă.

Cau mblàng Ndong Brawl