VOV4.K’ho - Drim òr (15/07), tàm Hà Nội, Đoàn ơruh pơnu Cộng sản Hồ Chí Minh, Mpồl tam klăc ơruh pơnu Việt Nam mờ Công ty cổ phần Tập đoàn Yeah 1 bơyai lơh mŭt lơh broă lơh dong kờl khà priă phan ngui sa pal geh ai ơruh pơnu công nhân mờ làng bol in.

Jăt broă lơh geh kĭ bal, ơruh pơnu công nhân, cau lơh broă khăt gơboh, làng bol geh rài kis kal ke tài gơtìp bơh kòp Covid-19 tŭ blơi ală phan pal geh bơh App blơi phan MEGA1 ha là bơh ală anih tăc phan ntrờn bơh broă lơh “Tam pà nùs nhơm kờñ gơboh, tus bal sơrlèt mờ kòp gơtờp” geh ală mpồl lơh sa kă bro tus bal broă lơh dong kờl khà priă tus 50% khà priă phan. Broă lơh do geh lơh bơh tŭ do tus jơh nhai 6 nam 2022, tàm 63 càr, ƀòn dờng, ai lài ală càr, ƀòn dờng gam gơtìp kal ke bơh kòp Covid-19 gơtờp. Broă lơh jăt broă lơh do kung geh pơgồp bal tàm broă lơh jăt tơngu me “dơ̆ lĕ bal” geh tam dră mờ kòp geh cồng nha mờ geh sùm broă tơnguh bơtàu lơh sa kă bro mờ kung là brồ guh broă lơh sa ngui sa.

Cau mblàng Ndong Brawl