VOV4.K’ho – Drim òr 26/9, tàm [òn dờng Huế geh mut lơh cribơyai lơh sa cau ùr mờ lơh sa APEC nam 2017 geh bơta tus bal bơh ală kuang bàng mpồl lơh broă bal broă lơh APEC bè cau ùr mờ lơh sa bơh 21 rài lơh sa geh jơng. Cribơyai là tu\ nàng Việt Nam bal mờ ală rài lơh sa APEC pơnjat tai tă pơ gồp tàm cồng nha mờ lơh bal ngan.

Cribơyai tơlik 3 bơta lài ngan bè chul chồl ringbal cau klau cau ùr tài bơtàu tơnguh lơh sa gơ glòm bal; tơnguh pràn jak tàm pơr lòng mờ bơceh pa bơh mpồl lơh sa kă bro dềt ngan, dềt mờ dimơ bơh cau ùr lơh tờm; tơmù bơta tam cah ngài cau klau cau ùr tàm bơàu tơnguh mpồl cau lơh broă, neh mờ gam geh ai tơlik uă jơnau bơceh tă pơgồp ai cribơyai cau ùr mờ lơh sa APEC nam 2017 đơs is mờ APEC Việt Nam 2017 đơs bal.

Ală cồng nha bơh cribơyai do dê geh pơgồp bơnah sơlơ tơnguh rlau tai bơta tam klac đah cau ùr lơh sa kă bro APEC; sơlơ tơnguh bơta git gơp rềp mềl đah mpồl lơh broă dà lơgar mờ lơh broă dùl nă să is; ai geh tai bơta [uơn nàng ală mpồl lơh sa kă bro, cau ùr lơh sa kă bro tus bal tàm ròt bơta kuơ, ròt mpồl tac phan broă drơng ala bơh tiah do dê; chul chồl rlau tai bơta mut gơ rờm bal mờ gơnoar lơh ca bơh cau ùr tiah APEC dê.