VOV4.K’ho – Ngai do 11/11, Pơrjum ală kuang đơng lam bồ lơh sa APEC dơ\ 25 neh ngan ngồn geh lơh. Do là dùl tàm ală jơnau kuơmàng ngan rlau jơh bơh Poh bơyai lơh Pơrjum kuang bàng dờng màng APEC, là tiah lơh geh ală kơrnoat bè gùng dà bơtàu tơnguh bơh APEC dê tàm tơngai tus.

Mờ tơngume “Lơh geh pràn chồl pa bơ\t bơtàu bal rài tơnơ\ do”, ală kuang đơng lam bồ lơh sa APEC cribơyai bal ală broă kuơmàng, rềp mềl, kờ` lơh geh “pràn chồl pa” ai gơguh tai jo\ jòng mờ tàm tơrbo\ bal tiah do, bơh hơ\ “bơ\t bơ\t bơtàu rài tơnơ\ do bal” là ring lơngai, kơ\ kơl jăp, bơtàu tơnguh mờ pas sơm.

Châu Á- Thái Bình Dương gam ơm tềng đap ală tu\ tơngai pa, kuang đơng lam bồ ală broă lơh sa tàm tiah châu Á- Thái Bình Dương kờ` pal lơh geh ală kơrnoat nàng APEC pơn jat tai lơh gơnoar broă tề lam, lơh geh pràn chồl nàng tiah do ngai sơlơ bơtàu tơnguh duh hồl mờ pràn kơldang.

Puan tơngume tờm tàm Pơrjum kuang bàng dờng màng APEC là lơh geh bơta lơngăp lơngai is pa ai gơguh tai jo\ jòng bơceh pa mờ glòm jơh bơh ală lơgar tàm mpồl APEC dê; lơh pràn khat gơboh kă bro bơcri priă mờ sơlơ tàm tơrbo\ bal tiah do lơh mhar lơh jơh jơnau Bogo; gùng dà nàng tơnguh gơnoar broă đơng lam bơh APEC dê tàm atbồ lơh sa gùt plai ù; Bơ\t bơtàu broă rơndăp lơh kuơmàng ai cribơyai tơnơ\ nam 2020 in.

Cau cih mờ yal tơngi\t-Lơ Mu K’ Yến