VOV4.K’ho- Drim ngai 05/7, tàm Hìu lơh broă Đảng dà lơgar, Pơrjum dơ̆ 3 Ban Chấp hành Đảng dà lơgar khóa 13 neh mut lơh yŭ rơyùm. Pơrjum Ban Chấp hành Đảng dà lơgar dơ̆ do geh kơnòl: Cribơyai, lơh nền 2, 3 broă kuơmàng bè: Broă rơndap lơh bơtàu tơnguh lơh sa- mpồl bơtiàn tơngai 5 nam, bơh nam 2021 tus nam 2025; sền sơwì, ai tơlik quy chế lơh broă bơh Ban Chấp hành Đảng dà lơgar, Bộ Chính trị, Ban Bí thư mờ quy chế lơh broă bơh Ủy ban Sền sơwì dà lơgar tơngai lơh broă khóa 13; jơnau cih lơh jat Điều lệ Đảng mờ jơnau cih bè broă lơh sền sơwì, sền gròi, lơh glài bơh Đảng dê tơngai lơh broă khóa 13; pơn jat tai pồ tơl kuang bàng ală gơnoar broă đơng lam bồ bơh ală anih lơh broă dà lơgar dê tơngai lơh broă Quốc hội khóa 15 nàng yal Quốc hội in pồ halà ring bal tàm pơrjum dơ̆ 1 bơh Quốc hội khóa 15 dê mờr tus; mờ 2, 3 broă kuơmàng ndai.

Tổng Bí thư ồng Nguyễn Phú Trọng

Đơs mut pơrjum, Tổng Bí thư ồng Nguyễn Phú Trọng đơs nền, do là ală broă rơndap lơh kuơmàng ngan, dờng ơnàng, geh gơtha lơh nền gơwèt tus mờ broă lơh gơs jai pha jơnau kờñ, kơnòl broă bơtàu tơnguh lơh sa- mpồl bơtiàn bơh Pơrjum dờng dơ̆ 13 Đảng dê neh ai tơlik.

Cau mblàng K’Duẩn