VOV4.K’ho – Liên đoàn Lao động càr Daklak bơyai lơh pơrjum dơ\ 10, tơngai lơh broă bơh nam 2018 tus nam 2023, mờ 233 nă cau, ala mat rlau 82 rbô nă đoàn viên công đoàn lao động tus bal. Tàm tơngai lơhbroă pa do, công đoàn ală kơnă tàm càr neh geh uă tam gơl pa bè tơngume, broă lơh, tơnguh geh cồng nha gơnoar bơh công đoàn dê tàm broă sền gàr gơnoar mờ bơta kuơ dipal bơh cau lơh broă dê.

Mùl màl neh dan mờ dà lơgar bơsong bơta priă nhai mờ ală bơta dong kờl ai cau pơgru tiah sar lơgar ngài, tiah uă kal ke mờ priă dong kờl rlau 20 tơmàn priă; broă lơh “Hìu ơm công đoàn” dong kờl lơh pa mờ lơh niam wơl 650 nơm hìu ai cau lơh broă kal ke in; bơt bơtàu kes priă “Tam klac dong kờl bal” tàm [òn lơgar mờ priă tă pơgồp geh rlau 29 tơmàn priă ai git nđờ jơt rbô dơ\ đoàn viên in càn nàng bơtàu tơnguh lơh sa hìu bơnhă. Tơngai lơh broă tus, công đoàn càr Daklak bơt bơtàu ală jơnau kờ` ngan ngồn jat tơl tu\ tơngai mùl màl nàng tơnguh cồng nha mờ tơnguh rlau tai gơnoar bơh công đoàn ală kơnă dê, gơ gơs là anih kơldìng kơ\ kơljap bè gàr niam gơnoar kuơ mờ bơta kuơ dipal cau lơh broă in.