VOV4.K’ho –  Drim ngai 11/5, pơrjum dơ\ 12 Ban Chấp hành Đảng dà lơgar khóa 12 neh geh mut lơh tàm Hà Nội, tềng đap bơta đơng lam bơh Tổng Bí thư, Chủ tịch lơgar, ồng Nguyễn Phú Trọng dê.

Đơs mut pơrjum, Tổng Bí thư, Chủ tịch lơgar, ồng Nguyễn Phú Trọng đơs loh, tàm broă lơh rơcang lài kuang bàng pal đơs nền nùs nhơm geh kơnòl ua\ ngan, ngan ngồn loh làng, song dơpă, sàng goh, lơh krơh lài lơh jat nền nòn ală kơrnuat bơh mpồl lơh broă, quy chế, jơnau cih bơh Đảng dê, ơn broă lơh bal bơh Đảng, bơh jơi bơtìan dê lài ngan rlau jơh. Krà` cê dră wơl tơl tềl tơnggo\ bơh rài lơh broă dùl nă să is, sơ mờm tu\ niam, lơh broă jat mpồl, bơta kuơ mpồl halà tac bro gơ noar broă.

Pơrjum dơ\ do, Ban Chấp hành Đảng dà lơgar geh cribơyai mờ lơh nền tus ală broă bè: Gùng dà broă lơh kuang bàng Ban Chấp hành Đảng dà lơgar khóa 13, gùng dà te\ khà kuang bàng Quốc hội khóa 15 mờ kuang bàng HĐND ală kấp, tơngai lơh broă bơh nam 2021 tus nam 2026, khà mờ broă tam pà kuang bàng tus bal pơrjum dờng dơ\ 13 bơh Đảng dê mờ 2, 3 broă kươmàng ndai.

Cau mblàng K’Duẩn