VOV4.K’ho- Drim ngai 17/6, Hội đồng Nhân dân càr Gia Lai khóa 11 bơyai lơh pơrjum dơ̆ 21 (tơngume). Tàm pơrjum dơ̆ do, Hội đồng Nhân dân càr Gia Lai sền sơ wì, lơh nền gùng dà bơcri priă 83 rơndap broă bơh Ủy ban Nhân dân càr yal. Do là ală rơndap broă kuơmàng ngan, ờ uă rơndap broă geh là bơta tờm, broă lơh tờm, kuơmàng nàng bơtàu tơnguh phan bơna kỹ thuật, phan bơna mpồl bơtiàn bơh càr dê, uă rơndap broă geh gơ rềng uă ngan tus bơta bơtàu tơnguh lơh sa mpồl bơtiàn bơh càr dê tàm tơngai bơh nam 2021 tus nam 2025 mờ ală nam pơn jat tai.

Đơs mut pơrjum, Chủ tịch Hội đồng Nhân dân càr Gia Lai sồr ală kuang bàng Hội đồng Nhân dân càr, ală kuang bàng tus bal pơrjum sền sơ wì jat nùs nhơm ring bal jơnau đơs, geh kơnòl, song dơpă tàm cribơyai, tơrgùm tàm ală broă tờm, kuơmàng gơ wèt tus mờ tơl tơngume, nàng Hội đồng Nhân dân càr đal git ală gùng dà, tơlik kơrnuat di, tơnguh cồng nha priă bơcri bơh broă rơndap lơh bơcri priă dà lơgar di mơ tơngai bơh nam 2021 tus nam 2025 dê tài bơta bơtàu tơnguh bơh càr dê.

Cau mblàng K’Duẩn