VOV4.K’ho- Tàm Hà Nội, Ủy ban Thường vụ Quốc hội sơnđờm mu\t pơrjum dơ\ 22, bơh bơta đơng lam bơh mò Nguyễn Thị Kim Ngân, Chủ tịch Quốc hội dê. Dơ\ pơrjum digơlan geh lơh 2 dơ\: Dơ\ 1 tàm ngai 12 – 13/3 mờ dơ\ 2 là tàm ngai 20 – 22/3.

Dơ\ pơrjum sền swì, tă pơgồp jơnau đơs bè 5 rơndăp lơh adat, tàm hơ\ geh: Adat tam gơl, bơtơl bàr pe bơta bơh Adat bơto bơtê, Adat tam gơl bơtơl bàr pe bơta bơh Adat Bơto bơtê đại học, Adat đo was sră sềr rùp ù tiah, Adat tàm pơrlòng tam gơl, Adat anih lơh broă hành chính lơh sa krơi is.

Tă pơgồp jơnau đơs bè bàr pe tơngume bơh rơcang cih nghị định cih bè cau, gơnoar broă, khà, gùng dà dong kờl priă ngui phan bơna drơng broă kuơ dà lơgar bơtơ\t rbòng dà. Kung tàm dơ\ pơrjum do sơl, Ủy ban Thường vụ Quốc hội lời dùl ngai ai broă lùp mờ hơ jơnau lùp gơ wèt mờ Bộ trưởng Bộ Tư pháp ồng Lê Thành Long mờ ồng Chu Ngọc Anh, Bộ trưởng Bộ Khoa học mờ Công nghệ.

Sền swì lơh nền ai tơn jơh lơh kơ nòl broă kuang bàng Quốc hội gơ wèt tus mờ ồng Ngô Đức Mạnh, tài bơh ồng do lơh kơnòl broă lơh Đại sứ Việt Nam tàm lơgar Nga.

Tàm ngai sơnrờp, Ủy ban Thường vụ Quốc hội neh pơgồp jơnau đơs bè rơndăp broă adăt was mờ sră sềr rùp ù tiah. Tơnơ\ mờ tu\ neh iăt, lơh wơl, rơndăp broă adăt was mờ sră sềr rùp ù tiah geh lơh 9 tăp mờ 65 bơta bè broă was mờ sră sềr rùp ù tiah tòm, sră rùp ù tiah jăt gah broă; jơnau tơng^t, jơnau cih, phan was mờ sră sềr rùp ù tiah…

Adăt do geh ngui gơwèt mờ anih lơh broă, mpồl lơh broă, cau 1 nă să is tàm lơgar, lơgar bơdìh lơh broă was mờ sră sềr rùp ù tiah; lơh, ngui jơnau tơng^t, jơnau cih, phan was mờ sră sềr rùp hah ha là ală broă lơh ndai gơrềng tus mờ was bal mờ sră sềr rùp ù tiah tàm ù tiah lơgar Cộng hoà xã hội chủ nghĩa Việt Nam.

Cau mblàng mờ yal tơngit- Lơ Mu K’Yến mờ Ndong Brawl