VOV4.K’ho- Drim ngai 18/10, Hội đồng Nhân dân ƀòn dờng Hồ Chí Minh khóa 10 mut pơrjum dơ̆ 3. Ủy viên Bộ Chính trị, Bí thư Thành ủy Hồ Chí Minh ồng Nguyễn Văn Nên neh tus bal pơrjum. Lài mờ tŭ sơn đờm dơ̆ pơrjum, ală kuang bàng neh lời dùl phuk kun bồ kah kơlôi ală cau neh chơt mờ ală kuang bàng, cau ling, ală mpồl sơndră kòp neh phi să tàm kòp dờng Covid-19. Do kung là dơ̆ pơrjum kuơmàng ngan nàng sền sơ wì tơl làm wơl broă lơh rơcang sơndră kòp Covid-19 mờ ală broă lơh bơtàu tơnguh wơl lơh sa.

Kờp tus ngai 17/10, broă gơlik geh bơh kòp bơtờp dê tàm ƀòn dờng Hồ Chí Minh neh geh bơta tam gơl niam, khà cau bơtờp kòp gơmù tus khà 3 nơm sồ, khà cau chơt gơmù tàm khà 2 nơm sồ; khà cit sơnơm vaccine ding dơ̆ 1 ai cau bơh 18 sơnam rlau hơđang in geh mờr 99%, ding dơ̆ 2 rlau 76%. Bơdìh mờ ală cồng nha lơh geh, ƀòn dờng kung sền sơ wì jơnau gơ lời wơl kơn jơ̆ kơn jut ngan bơh kòp dờng lơh gơbàn. Pơrjum geh lời tŭ tơngai nàng sền sơ wì tơl làm broă lơh sa- mpồl bơtiàn 9 nhai mờ kơnòl broă, broă lơh ală nhai gam wơl; lơh loh jơnau bơh tài gơbàn, ngan là jơnau gơtùi git lài bơh ală kấp ƀòn lơgar, mpồl lơh broă dê mờ ai tơlik ală broă lơh dipal.

Cau mblàng K’Duẩn