VOV4.K’ho- Pơrjum dơ̆ 4 bơh Ủy ban Thường vụ Quốc hội dê neh mŭt pơrjum tàm drim do ngai 11/10. Geh lơh tàm 04 ngai, dơ̆ pơrjum do geh ai jơnau đơs tàm uă tơngume kuơmàng, tàm hơ̆ geh broă rơndăp ù tiah ngui ù dà lơgar tơngai bơh nam 2021- 2030, wèt sền tus nam 2050 mờ broă rơndăp lơh ngui ù 05 nam (tơngai bơh nam 2021- 2025). Bè broă lơh lơh kơrnoat boh lam, Ủy ban Thường vụ Quốc hội ai jơnau đơs bè rơndăp broă lơh Adat tam gơl, bơtơl Sră cih mblàng yal nền- Măt broă jàu tơrgùm kờp dà lơgar bơh Adat Tơrgùm kờp dê; ală rơndăp cih Kơrnoat bè lơh tơrlòng lài bàr kơrnoat, gùng dà broă lơh krơi is bơtàu tơnguh ală càr, ƀòn dờng: Hải Phòng, Nghệ An, Thừa Thiên- Huế.

Bè ală broă lơh sa- mpồl bơtiàn mờ kes priă dà lơgar, Ủy ban Thường vụ Quốc hội ai jơnau đơs bè ală jơnau yal bơh Chính phủ dê bè broă ătbồ mờ ngui kes priă bảo hiểm y tế nam 2020; 02 nam ( bơh nam 2019- 2020) lơh jăt Kơrnoat sồ 68 nam 2013 bơh Quốc hội khoá XIII dê bè lơh pràn broă lơh jăt gùng dà broă lơh, kơrnoat boh lam bè bảo hiểm y tế, wèt tus bảo hiểm y tế jơh gùt làng bol; cồng nha lơh jăt broă rơndăp lơh bơtàu tơnguh lơh sa- mpồl bơtiàn mờ kờp dŭ lài kes priă dà lơgar nam 2021, broă rơndăp lơh bơtàu tơnguh lơh sa- mpồl bơtiàn nam 2022; kờp dŭ lài kes priă dà lơgar mờ gùng dà tam pà kes priă dà lơgar nam 2022...

Cau mblàng Lơ Mu K’Yến