VOV4.K’ho – Drim do 23/10, Quốc hội kơnă XIV mu\t pơrjum yu\ rơyùm pơrjum dơ\ 4, Quốc hội kơnă XIV. Tàm dơ\ pơrjum do, Quốc hội sền swì mờ ring bal 6 rơndăp lơh Adat mờ tă pơgồp jơnau đơs tàm 9 rơndăp lơh Adat ndai. Pal sền ngac ngan là ală rơndăp lơh Adat Yal yă (tam gơl), Adat rơcang sơndră sa kuề sa kùa (tam gơl); Adat rơndăp tăp sèng; Adat mpồl lơh broă hành chính lơh sa dờng màng….

Là dơ\ pơrjum lồi nam, Quốc hội lời uă tu\ jiơ cribơyai jơnau yal lơh sa- mpồl bơtiàn, kes priă dà lơgar nam 2017 mờ lơh nền broă rơndăp lơh bơtàu tơnguh lơh sa- mpồl bơtìan, kes priă dà lơgar nam 2018; Sền swì ală jơnau yal rơcang sơndră cau lơh tìs, lơh tìs kơrnoat boh lam yal yă; jơnau yal rơcang sơndră sa kuề sa kùa nam 2017; tus Gròi sền jơnhoa ngan rlau jơh dà lơgar “Broă lơh jat gùng dà broă lơh, kơrnoat boh lam bè lơh tam gơl pa mpồl kuang bàng lơh broă hành chính dà lơgar tơngai bơh nam 2011- 2016”.

Bè broă kuang bàng, Quốc hội geh ai tơn jơh at gơnoar broă, ring bal jơnau pồ mờ pồ gơ wèt mờ gơnoar broă Bộ trưởng Bộ Giao thông Vận tải mờ Kuang atbồ Thanh tra Chính phủ. Bơta tam gơl pa tàm dơ\ pơrjum do là Quốc hội geh tơnguh tai tu\ jiơ lùp bơh 2 ngai mờ nggùl tus 3 ngai.

Cau cih mờ yal tơngi\t- Lơ Mu K’ Yến